Tema: Konstrukcion material retinde qurılista, mebel ham aģash ustashılıq buyimları, sport buyimları, saz ásbapları, ruwzıgershilik ásbap inventarların islep shıgarıwda buyimlarģa shiyki zat tańlawdi uyreniw. Reje

Tema: Konstrukcion material retinde qurılista, mebel ham aģash ustashılıq buyimları, sport buyimları, saz ásbapları, ruwzıgershilik ásbap inventarların islep shıgarıwda buyimlarģa shiyki zat tańlawdi uyreniw.
Reje:
Kırisiw

1. 
   Aģash materialları haqqında tikarģi maģlumatlar
   
   2. 
      Aģash materiallardıń túrleri ham dúzilisı
      
2. 
   Aģashtan tayarlanatuģın shiyki zatlar haqqinda maģlumat
   

2.1 Aģashtan tayarlanatuģin shiyki zat όnimleriniń túrleri

KIRISIW

Materiallardıń bir pútinligine tásir etpeytuǵın hám onıń ximiyalıq quramın ózgertpeytuǵın qásiyetler aǵashtıń fizikalıq qásiyetleri dep ataladı. Aǵashtıń fizikalıq qásiyetleri onıń reńi, túrleniwi, tábiyǵıy gúli (teksturası), iyisi, ıǵallılıǵı, ıǵallanıw tásirinde isiwi, qurǵawı, tıǵızlıǵı, ıǵallıq ótkizgishligi, jıllılıq ótkizgishligi, dawıs ótkizgishligi, elektr ótkizgishliginen ibarat. Aǵashtıń reńi. Aǵash materiallarınıń túrlerin hám olardıń sapalılıǵın anıqlawdaǵı áhmiyetli qásiyetlerinen biri onıń reńi bolıp esaplanadı. Aǵashtıń reńi, onıń túrine hám ósiw jaǵdayına baylanıslı. Qayıń, tal, arǵuvon, terek, arshadan alınatuǵın aǵashlar aqshıl reńde bolıp, nursız izleri boladı. Emen, shumtal (yasen)-qońır; qaraqayıń, akaciya – aq qızǵısh; ǵoza, qayraǵash qaralaw boladı.
Aǵashtıń túrleniwi. Aǵash ózek nurları sebepli, olardıń baǵdarı hám tıǵızlıǵına baylanıslı halda túrlenedı. Aǵashtıń túrleniwin jasalma túrde arttıriw ushın laklew hám maylaw jumısları alıp barıladı. Aǵashtıń tábiyǵıy gúli (teksturası). Jonıw waqtında aǵashtıń talshıqları, ózektiń nurları hám jıllıq saqıynalarınıń kesilisiwi nátiyjesinde aǵashtıń tábiyǵıy gúli payda boladı. Aǵashtıń iyisi. Aǵash ózindegi smolalar, efir mayları hám kislotalarınıń payda bolıwı jáne quramına qarap hár qıylı iyiske iye boladı. Jańadan kesilgen aǵashtıń ózek tárepi ótkir iyisli boladı. Aǵash qurıǵan sayın iyisi azayadı, geyde iyisi ózgerip ketedi. Aǵashtıń ıǵallıǵı. Íǵallıq terektiń tirishiligi hám onıń ósiwi ushın kerek bolǵan tiykarǵı faktorlardan biri. Íǵallıq – terektiń ósiw jaǵdayına hám túrine, jańadan kesilgen yamasa burın kesilgenine, quwraǵan yamasa quwramaǵanına qarap az yamasa kóp boladı.
Aǵashtıń kebiwi. Aǵashta erkin hám baylanǵan suwlar boladı. Aǵashtıń ishki boslıqların, yaǵnıy kletkalardıń ishindegi hám kletkalardıń arasındaǵı boslıqtı toltırıwshı suwlar erkin yamasa kapillyar ıǵallıq, kletka perdeleri tárepinen sorılǵan suwlar baylanısqan yamasa 4

gigroskopiyalıq ıǵallıq dep ataladı. Aǵashtıń ıǵallanıp isiniwi. Eger qurǵaq aǵashtı ızǵar bólmelerde yamasa ashıq hawada saqlasa, ol ıǵallanıp isinedi hám olshemleri, kólemi, awırlıǵı kóbeyedi, kólemi ózgeredi. Aǵashtıń tıǵızlıǵı. Aǵashtıń bul qásiyeti onıń awırlıǵına baylanıslı bolıp, aǵashtaǵı ıǵallıq hám hawa muǵdarına baylanıslı. Aǵashta ıǵallıq hám hawa qansha az bolsa ol sonsha tıǵız boladı.