Tema: Ekonomikada byudjet – salıq siyasatı. Ózbekstan Respublikasında byudjet-salıq siyasatınıń ózgeshelikleri

Salıq siyasatınıń huqıqıy tiykarları

Salıq siyasatınıń huqıqıy tiykarları retinde ǵárezsizliktiń dáslepki jıllarında Ózbekstan Respublikasınıń 1991 jıl 31 avgustdaǵı «Ózbekstan Respublikasınıń mámleketlik ǵárezsizligi tuwrısında» gi Nızamı, Ózbekstan Respublikasınıń Konstitusiyası, Ózbekstan Respublikasınıń «Kárxanalar,shólkemler, birlespelerden alınatuǵın salıqlar tuwrısında» gi (1991 jıl 15 fevral),«Ózbekstan Respublikasınıń puqaraları, sırt el puqarası puqaralar hám puqaralıǵı bolmaǵanlardıń dáramat salıǵı tuwrısında» gi (1991 jıl 15 fevral), «Jergilikli salıqlar hám jıynawlar tuwrısında» gi (1993 jıl 7 may) Nızamları, Ózbekstan Respublikası Prezidentiniń Húkimleri, Ózbekstan Respublikası Ministrler Keńesi hám Ministrler Keńesiniń Qararları sıyaqlı normativ hújjetlerden ibarat bolǵan bolsa, 1997 jılda qabıl etilgen Ózbekstan Respublikasınıń Salıq Kodeksi hám Ózbekstan Respublikasınıń «Mámleketlik salıq xızmeti tuwrısında» gi Nızamı joqarıdaǵı hújjetlerdiń ayırımların óz kúshin joytıwıǵa alıp kelgen bolsa, ayırımlarınıń huqıqıy bazasın keńeyiwine, kusheytiwine xızmet etip kelip atır. «Ózbekstan Respublikasınıń mámleketlik ǵárezsizligi tuwrısında» gi Nızamǵa muwapıq, sol kúnden itibaran Ózbekstan Respublikası óziniń ózbetinshe salıq siyasatını júrgizedi. Ózbekstan Respublikasınıń Konstitusiyasıda puqaralardıń minnetlerine salıqlardı tólew minnetlemesi da kiritilgen: «Puqaralar nızam menen belgilengen salıqlar hám jıynawlardı tólewge minnetli». Sonıń menen birge, Respublikamız aymaǵinda birden-bir salıq sisteması ámel etiwi jáne onı belgilew kepilligi haqqındaǵı gápler keltirilgen: «Ózbekstan Respublikası aymaǵinda birden-bir salıq sisteması ámel etedi. Salıqlar engiziwge tek Oliy májilis esaplanadı».

Búgingi kúnde Respublikamız salıq siyasatınıń huqıqıy tiykarları Ózbekstan Respublikasınıń Konstitusiyası, Ózbekstan Respublikasınıń Salıq Kodeksi, «Mámleketlik salıq xızmeti tuwrısında» gi Nızamı, húkimettiń basqa soliqqa tiyisli nızam, qararları, Prezident Húkimleri hám basqa normativ hújjetler menen anıqlama beriledi.

Házirgi waqıtta Respublikamız salıq siyasatınıń tiykarı Prezidentimiz tárepinen islep shıǵılǵan hám tabıslı tárizde ámeliyatda óz kórinisin tawip atırǵan ekonomikalıq rawajlanıwdıń bes printspı bolıp tabıladı. Salıq siyasatı áne sol printsplar tiykarında islengen bolıp, salıq salasındaǵı nátiyjeli ilajlar ámelge asırılıp atır.