Тема: Анатомия панинин классификациясы рауажланыу тарийхы хам уйрениу методы

Qadaǵalaw ushın sorawlar

1. 
   Skelettiń atqaratuǵın xızmeti.
   
2. 
   Skeletti payda etiwshi súyekler.
   
3. 
   Súyeklerdiń klassifikatsiyası.
   
4. 
   Súyeklerdiń organikalıq hám anorganikalıq quramı.
   
5. 
   Súyektiń tıǵız hám gewek zatı.
   
6. 
   Uzın, kelte hám aralas súyekler.
   
7. 
   Dene skeleti súyekleri.
   
8. 
   Omırtqalardıń dúzilisi hám bir-birinen parqı.
   
9. 
   Birinshi hám ekinshi moyın omırtqaları hám olardıń dúzilisi.
   
10. 
    Qol skeleti súyekleriniń dúzilisi.
    
11. 
    Ayaq skeleti súyekleriniń dúzilisi.
    
12. 
    Bas skeletin quraytuǵın jup hám taq súyekler.
    
13. 
    Miy bólimi qaysı súyeklerden quralǵan.
    
14. 
    Bastıń júz bólimine qaysı súyekler jatadı.
    
15. 
    Eńse, tóbe, mańlay hám sheke súyekleriniń dúzilisi.
    
16. 
    Tiykarǵı hám elek tárizli súyeklerdiń dúzilisi.
    
17. 
    Joqarǵı hám tómengi jaq súyekleri.
    
18. 
    Jańa tuwılǵan balada gelle súyekleriniń dúzilisi.
    
19. 
    Úlken hám kishi eńbeklerdiń payda bolıwı.
    
20. 
    Súyeklerdiń qáliplesiwinde vitaminlerdiń hám mineral duzlardıń áhmiyeti.
    

SÚYEKLERDIŃ ÓZ-ARA BIRIGIWI (ARTROLOGIA)

Anatomiya páninde súyeklerdiń bir-biri menen óz-ara birigiwin úyreniwshi bólimi sindesmologiya dep ataladı.

Súyeklerdiń neler járdeminde, hám qanday birlesiwlerine qaray tómendegi eki tiykarǵı toparǵa bólinedi:

1. 
   Úzliksiz (háreketsiz) birlesiwler
   
2. 
   Háreketsheń birlesiwler (buwınlar)
   

Bunnan basqa joqarıdaǵı eki túrdegi birigiwlerge kirgiziw qıyın bolǵan birigiwler bar.

Úzliksiz birigiwler

Súyeklerdiń óz-ara birigiwinde qatnasatuǵın járdemshilerge baylanıslı súyeklerdiń birigiwiniń úsh túri ajıratıladı:

1. 
   Fibroz toqımalar (perdeler) járdeminde birlesiw
   
2. 
   Shemirshekler járdeminde birlesiw
   
3. 
   Ayırım jaǵdaylarda súyekler bir-biri menen pitisip, shatısıp ketedi. Bunday birlesiw súyekler járdeminde birlesiw dep ataladı.
   

Súyeklerdiń bunday úsh túrli birlesiwi olardıń rawajlanıw dáwirindegi ózgerisler nátiyjesi dewge boladı, dáslep súyeklerdiń hámmesi perde halında boladı, soń olardıń kópshiligi ekinshi jaǵdayǵa shemirshek halatına ótedi sońınan súyekleniw baslanadı.