Тема 7: Finans hám kapitaldıń strukturalıq dúzilisi
Biznes riski hám finanslɪq risk
Eger investorlardɪń kútilgeninen kemirek alɪnǵan korporativ dáramatɪ sebepli qálewi bolmasa, bul olardɪń firmanɪń kelesi xɪzmetinen kútetuǵɪn nátiyjelerin páseytip jiberedi hám nátiyjede, firmanɪń ápiwayɪ akciyalarɪ bahasɪ túsedi. Sonɪń ushɪn, korporativ orɪnlawshɪlar hám direktorlar keńesi Vol Stritke tapsɪratuǵɪn dáramatlar esabatɪna arnawlɪ itibar qaratadɪ. Sol sebepli, finanslɪq analizshi akciya birligine durɪs keliwshi ózgeriwsheńlik dereklerin jaqsɪ túsiniwi kerek.
biz firmanɪń dáramatlarɪ aǵɪmɪndaǵɪ ózgeristi 3 turli derekke kóre parqlaymɪz:
1. Biznes tarawɪ tańlawɪ – firma xɪzmet alɪp barɪwshɪ sanaat tarawɪ sebepli kelip shɪǵatuǵɪn tábiyiy terbelisler nátiyjesinde payda bolɪwshɪ firma dáramatlarɪnda ózgerisler. Máselen, eger firma dáramatlar biznes dáwirleri menen baylanɪslɪ ráwishte terbelip turatuǵɪn tez ózgeriwsheń sanaatta xɪzmet júritse, ol jaǵdayda firma dáramatlarɪnɪń ózgeriwsheńligi biznes dáwirleri kemirek tásir kórsetetuǵɪn sanaattaǵɪǵa salɪstɪrǵanda kóbirek boladɪ. Biz biznes dáramatlarɪndaǵɪ bunday ózgerislerdiń deregin biznes riski dep ataymɪz.
2. Qárejetler strukturasɪ tańlawɪ – firmanɪ júritiw ushɪn sarplanatuǵɪn ózgermeytuǵɪn hám ózgeriwsheń qárejetlerdiń jámin bildiriwshi firmanɪń qárejetler strukturasɪ nátiyjesinde júzege keletuǵɪn firma dáramatlarɪnɪń ózgeriwsheńligi. Ózgermeytuǵɪn qárejetlerdiń (ózgeriwsheń qárejetlerge qaraǵanda) kóp bolɪwɪ dáramatlardaǵɪ ózgerislerge salɪstɪrǵanda paydanɪń ózgeriwsheńligin asɪrɪp jiberedi.
Firmanɪń ózgermeytuǵɪn hám ózgeriwsheń qárejetleriniń dúzilisi tiykarɪnan firma xɪzmet alɪp baratɪrǵan sanaat tarawɪna qarap anɪqlanadɪ. Máselen, avtomobil sanaatɪ zavodlar hám olardaǵɪ ásbap-úskenelerge úlken investiciya kiritiwdi talap etedi. Bul zavodtɪń islewi dárejesine baylanɪslɪ bolmaǵan joqarɪ ózgermeytuǵɪn qárejetlerge sebep boladɪ. Biz firma dáramatɪndaǵɪ bul ózgeris deregin operativ risk dep ataymɪz.
3. Kapital strukturasɪ tańlawɪ – firma dáramatlarɪndaǵɪ ózgeris deregi bolɪp, ol qarɪzlɪ finanslastɪrɪw kibi ózgermeytuǵɪn dáramattɪ talap qɪlɪwshɪ finanslastɪrɪw dereklerinen paydalanɪw nátiyjesinde júzege keledi. Biz dáramatlardaǵɪ bul kórinistegi ózgeris deregin finanslɪq risk dep ataymɪz.
Biz endi firma dáramatlarɪndaǵɪ bul úsh ózgeris deregine ayɪrɪm-ayɪrɪm toqtap ótemiz.
Firmanɪń óz biznesin baslaytuǵɪn waqɪtta belgilep qoyatuǵɪn biznes riskiniń eń joqarɪ muǵdarɪ esaplanadɪ.
Biznes riski.
Biraq, biznes riski firma dáramatlarɪnɪń ózgeriwsheńligine tásir etkeni ushɪn, ol firmanɪń bir akciyaǵa tuwra keliwshi firma paydasɪna da tásir qɪlɪwɪ múmkin.
Начало формы
Конец формы
Do'stlaringiz bilan baham: |