Tema-1 «Salıqlar h’a’m salıqqa tartıw» arnawlı kursın oqıtıwdın’ za’ru’rligi, maqseti h’a’m wazıypaları O’zbekstan Respublikası salıq sisteması h’a’m salıq qatnasıqları subektlerinin’ h’uqıq h’a’m de minnetlemeleri. Rejesi

4.Aktsiz salıg’ın to’lew, esap-sanaqların tapsırıw ta’rtibi h’a’m mu’ddetleri.
To’lewshiler ta’repinen satıwdın’ h’aqıyqıy ko’leminen kelip shıg’ıp esaplap shıg’arılg’an aktsiz salıg’ı summası byudjetke to’mendegi mu’ddetlerde to’lenedi:
-ag’ımdag’ı aydın’ 13-ku’ninen keshiktirmey ag’ımdag’ı aydın’ birinshi on ku’nligi ushın;
-ag’ımdag’ı aydın’ 23-ku’ninen keshiktirmey ag’ımdag’ı aydın’ ekinshi on ku’nligi ushın;
-keyingi aydın’ 3 ku’ninen keshiktirmey esap beriw ayının’ qalg’an ku’nleri ushın.
Tovarg’a qosımsha qılınatug’ın h’u’jjetlerde ko’rstilgen o’nim ju’klep jo’netilgen ku’n satıw ku’ni bolıp esaplanadı.
Aktsiz salıg’ı boyınsha esap-sanaqlar dizimnen o’tken jerdegi ma’mleketlik salıq xızmeti organlarına tapsırıladı:

• 
  ka’rxanalar ta’repinen (mikrofirmalar h’a’m kishi ka’rxanalardan tısqarı)-esap beriw ayınan keyingi aydın’ 25-ku’ninen keshiktirilmeydi xa’r ayda, belgilengen formada, og’an salıq salınbaytug’ın aylanıslar summaları rasshifrovkası qosımsha etilgen tu’rde;
  
• 
  mikrofirmalar h’a’m kishi ka’rxanalar ta’repinen birinshi sherek, yarım jıllıq h’a’m 9 ay juwmaqları boyınsha, on ku’nliklerge bo’listirilgen tu’rde, esap beriw shereginen keyingi aydın’ 25-ku’ninen keshiktirmesten, jıl juwmaqları boyınsha bolsa belgilengen formada, jıllıq finans esabın tapsırıw mu’ddetinde.
  

Dem alıs (islemeytug’ın) yaki bayram ku’nine tuwrı keletug’ın aktsiz salıg’ın to’lew mu’ddetleri, tiyisli tu’rde esap-sanaqtı tapsırıw mu’ddetleri sol dem alıs yaki bayram ku’ninen keyingi birinshi jumıs ku’nine ko’shiriledi.
Artıqsha to’lengen aktsiz salıg’ının’ summaları kelesi to’lewler esabına kirgiziledi yamasa onın’ jazba tu’rdegi arzası alıng’an ku’nnen baslap Ma’mleketlik Salıq xızmeti organı ta’repinen 30 ku’n ishinde to’lewshige qaytarıladı (egerde byudjetke salıqtın’ basqa tu’rleri boyınsha qarızı bolmasa).
5. Yuridikalıq h’a’m fizikalıq ta’replerdin’ O’zbekstan Respublikası aymag’ına alıp kiretug’ın ayırım tu’rdegi tovarları boyınsha aktsiz salıg’ın to’lew ta’rtibi.
O’zbekstan Respublikası aymag’ına yuridikalıq h’am fizikalıq ta’replerdin’ alıp kiretug’ın, aktsiz to’lenetug’ın tovarlarına O’zbekstan Respublikası Prezidentinin’ qararına muwapıq du’zilgen dizimler h’a’m belgilengen stavkalar boyınsha aktsiz salıg’ı salınadı.
Aktsiz to’lentug’ın tovarlar boyınsha aktsiz salıg’ı bajıxana xızmetler ta’repinen sumlarda o’ndiriledi h’a’m h’a’r 5 ku’nde respublika byudjetine kiris qılınadı.
Alıp kiriletug’ın, aktsiz to’lenetug’ın tovarlarg’a aktsiz salıg’ının’ esabı h’am onın’ byudjetke kelip tu’siwi u’stinen qadag’alawdı O’zbekstan Respublikası Ma’mleketlik bajıxana xızmetinin’ aymaqlıq basqarmaları a’melge asıradı.
Respublika aymag’ına aktsiz to’lenetug’ın tovarlardı alıp kiriwshi, mu’lkshilik formasına qaramastan yuridikalıq ta’repler, sonday-aq fizikalıq ta’repler aktsiz salıg’ının’ to’lewshileri esaplanadı.
O’zbekstan Respublikası aymag’ına alıp kiriletug’ın tovarlar boyınsha aktsiz salıg’ın esaplap shıg’arıw ushın salıq salıw obekti bolıp bajıxana ju’k deklaratsiyasının’ 45-u’stininde ko’rsetilgen, tovardı bajıxanada ra’smiylestiriw waqtında O’zbekstan Respublikası Oraylıq Bankinin’ kursı boyınsha sumlarda qayta esaplang’an tovardın’ bajıxına qunı esaplanadı.
Alıp kiriletug’ın, aktsiz ayırım tu’rdegi tovarlar boyınsha aktsiz salıg’ının’ summası tovardın’ bajıxana qunınan yaki bir-birlik o’lshewi ushın AQSh dollarlarında belgilenedi.
Markalang’an, aktsiz to’lentug’ın tovarlar alıp kirilgende aktsiz salıg’ının’ summası bajıxana qunınan kelip shıg’ıp qayta esaplanadı.
Ma’mleketlik bajıxana komiteti, aymaqlıq bajıxana basqarmalarının’ qararına muwapıq, to’lewshige, tovarlardı bajıxanada ra’smiylestirgen sa’neden baslap 2 aydan aspaytug’ın mu’ddetke aktsiz salıg’ın keshiktirip yaki bo’lip-bo’lip to’lew usınıs etiliwi mu’mkin.
Artıqsha kelip tu’sken aktsiz salıg’ının’ summası otız ku’n ishinde qaytarılıwı yaki kelesi to’lewler esabına kiritiliwi kerek.
Olar to’lengen yaki o’ndirilgen waqıttan baslap bir jıl dawamında to’lewshi artıqsha to’lengen yaki o’ndirilgen aktsiz salıg’ının’ summaların qaytarılıwın talap qılıwı mu’mkin.

6.