Телекоммуникацияда бошқарув тизимларининг аппарат ва дастурий таъминоти” кафедраси

Network Magic – дастурий таъминоти

Network Magic дастурий воситаси тармоқнинг жорий боғланиш конфигурациясини тақдим этади (тармоқ картасини) ва ягона административ панельдан боғланишлар назоратини амалга оширади. Тармоқ бошқарувига оид турли вазифаларни бажарилишини назорат қилиш имкони бу воситани қулай ва самарали эканлигини таъминлайди. Дастур ойнаси:

Назорат саволлари

1. 
   Тармоқ бошқаруви нима?
   
2. 
   Хавфсизликни бошқариш деганда нимани тушунасиз?
   
3. 
   Network Magic дастурий таъминотини тармоқни бошқаришдаги ўрнини тушунтиринг.
   
4. 
   Конфигурацияни бошқариш деганда нимани тушунасиз?
   

10-амалий машғулот. Телекоммуникация тармоқларида хизматларни тақдим этиш ва бошқариш жараёнларини моделлаштириш.

Ишдан мақсад: Кўп агентли технологиялардан фойдаланиб тақсимланган тизимларда ресурсларини бошқариш тамойилларини ўрганиш.


Назарий маълумотлар

Бугунги кунда барча ҳисоблаш тизимларини ташкиллаштиришда тақсимланган ресурслардан фойдаланишга алоҳида эътибор берилмоқда. Бу ёндошув асосида ҳисоблашда вазифаларни тақсимлаш, маълумотларни ва процессор ишини тақсимлаш ва уларнинг ўзаро алоқасини таъминлаш масаласи ётади. Мураккаб тузилган динамик тақсимланган тизимларда ресурсларни бошқариш деганда тушаётган талабларни аниқлаш, ресурслар ва иловаларни солиштириш, ресурсларни талабларга мос равишда тақсимлаш, тизимнинг ишлашини доимий лойиҳалаш, тушаётган юкламани баланслаш ва мониторинг қилиш тушунилади. Ушбу масала бугунги кунда кенг тарқалган тақсимланган тизимларда - кластерли ва булутли тизимларда middleware да амалга оширилади. Динамик конфирурацияланувчи тақсимланган тизимларнинг мураккаблиги ва даврий ўзгарувчанлиги сабабли уларнинг ресурсларини бошқариш бўйича хулосалар чиқаришни қийинлаштиради: ноаниқликлар юзага келади – яъни талаб ва ресурсларнинг динамик ўзгариши кейинги ҳолатни баҳолашни қийинлаштиради; доимий янги ҳодисалар қўшилиши сабабли ҳисоблашни бошқариш планлари ўзгариб туради; ягона хизматга кўплаб фойдаланувчилар уланганда тизимларнинг ишончлилигини таъминлаш учун юқори оперативликни, динамик координациялашни ва кўп поғонали ресурсларни бошқаришни таъминлаш зарур бўлади. Ушбу келтирилган муаммолар тақсимланган тизимларда ресурсларни динамик бошқариш масаласини ечиш ва янги бошқарув моделларини ишлаб чиқиш орқали ҳал қилинади.

Тақсимланган тизимларда кўплаб ресурслар ва компонентлар мавжуд бўлади ва хизмат кўрсатади, лекин ресурслар кўрсатилувчи аниқ бир хизматга боғлиқ равишда гурухларга ажратилган бўлади. Шу сабабли уларнинг таркибини ва ўзаро қачон ва қайси компонент ўзаро биргаликда ишлашини баҳолаш учун бирор аниқ хизматни кўрсатишини моделлаштириш зарур. Бунда реал вақтда тушаётган талаблар, вазифаларнинг тақсимланиши, талабларни ва ресурсларни бошқариш индувидуал режалар ишлаб чиқишни тасаввур қилиш мумкин бўлади. Тизимда бўладиган жараёнларни ва ҳолатларни ҳисобга олган ҳолда тўлиқ бошқарув моделини яратиш мумкин: талабнинг тушиши, талабга мос равишда тизимни динамик созлаш, ишлаш режимларини ишлаб чиқиш, уларнинг бажарилишини мониторинг ва назорат қилиш, зарур ҳолатларда тизим ишини қайта автоматик режалаштириш кабилар тизимни ва ресурсларни бошқарув моделининг асоси бўлади (10.1-расм). Шунингдек, ҳисобга олиш зарурки, тизимларда ресурслар бир бири билан ўзаро алоқада ишлаши зарур, баъзи ҳолларда бир-бирининг ишига салбий таъсир кўрсатиши мумкин. Шу сабабли ресурс тизимлари олдинган ўйланган ва максимал даражада самарали ишлашга йўналтирилган бўлиши керак. Чунки тақсимланган, умумий ҳолатда тизимнинг салоҳиятини белгилаб беради.

10.1- расм. Тақсимланган тизимларда ресурсларни динамик бошқариш масаласи

Кузатишлар кўрсатадики, бугунги кунда ресурсларни бошқаришда тармоқда тугунларининг ва фойдаланувчилар талаблари сонининг динамик ўзгариши ҳисобга олинмаган. Тизимларда юкламалар ортиб кетган ҳолатларда вазифаларни қайта режалаштиришнинг оптималлаштирилган механизмлари тўлиқ қўлланилмайди.

Шу сабабли, тақсимланган ҳисоблаш тизимларида ресурсларни бошқариш самарадорлигини ошириш учун middleware билан бирга ишловчи янги интеллуктуал бошқарув усуллари ва воситалари киритилади. Grid ёки Cloud ҳисоблаш тизимларида интеллектуаллаштиришнинг асосий элементи сифатида кўп агентли тизим сифатида тавсифланувчи ва грид-ресурслар асосида қурилувчи семантик ахборот хизмати қаралиши мумкин. Бу динамик ўзгарувчан муҳитда кўп агентли тизимларда ўз-ўзини ташкиллаштириш ва ўзаро мослаштириш асосида мураккаб тақсимланган тизимларда ресурслардан фойдаланиш самарадорлиги ошириш имконини беради.