Телекоммуникация тармоқлари

FTTВ технологияси қуйидаги хизмат турларини кўрсатади:
- товушли (POTS/ VoIP);
- юқори тезликдаги Интернет;
- IP-TV/ Video/ Games;
- аналогли телевидение;
- TDM трафики;
- Катта хажми маълумотларни узатиш;
- GSM/ 3G/ Wimax радиоузатиш тармоғини ташкил қилиш учун асос бўлади.
Оптик структура FTTB технология қурилиши янги яратилаётган ёки мавжуд операторларда бир хил қизиқиш уйғотади.
Қуйида технологиянинг FTTN, FTTC, FTTB ва FTTH турларига қисқача тўхталамиз;
Fiber to the curb (FTTC) - телекоммуникация хизматлари оптик структура FTTС орқали тақсимлаш жавонигача етказилиб келинади ва ундан сўнг мис кабелларда VDSL2 технологияси асосида мижоз уйларига киритилади. Бунда VDSL2 амалдаги тезлиги 10-15 Мбит/сек. гача ортади.
Мисли магистрал кабеллар танқис жойларда бу вариантдан унумли фойдаланиб, яхши натижаларга эришиш мумкин. Оптик структура FTTx да ҳам NGN тармоғи каби барча қўшимча хизматлардан етарлича фойдаланиш мумкин.

2.1.5- расм. FTTH тури асосида алоқани ташкил этишнинг турлари.

Оптик кабелларни таъмирлаш қулайлиги ва мисли кабеллар ҳамда ADSL модемлар йўқ шароитларда оптик структура FTTх афзаллиги, шунингдек, оптик кабел хўжалига амалдаги талаблар асосида режалаштирилган ёки қурилган бўлса, оптик кабелларни эксплуатация муддати 25 йилдан ортиши мумкин. Демак, ахборот коммуникация технолгиялари ичида FTTх модели бу – телекоммуникациялар хизматларининг сифат ва самарадорлиги доираларини кенгайтириш ва мижозлар ҳаётий эҳтиёжларини енгиллатиш демакдир. Ушбуларни инобатга олиб, ШТАЛ хозирги кунда FTTх (Fiber to the х) архитектураси асосида оптик тола “х” нуқтагача қурилмоқда, шунга асосан алоқа боғламасидан “х” нуқтагача ШТАЛ ётқизилиб, “х” нуқтадан абонентгача мис жилали тарқатиш кабели ётқизилади. FTTх технологиясининг барча кўринишларидан фойдалнилмоқда.


PON техналогиясиниг турлари асосида алоқани ташкил этиш.
PON технологиясининг асосий вазифаси, марказий тугунлар орасидаги магистрални (SDH/ATM) ва абонент тугунларини улаш, шунингдек дарахтсимон топологияли тўлиқ пассив оптик тармоқни яратишга асосланган, оралиқ тугунларда эса таъминот ва хизматни талаб қилмайдиган компакт пассив оптик ажратгич (бирлаштиргичлар ёки сплиттерлар деб ҳам аталади) жойлашган. Бундай технология кўпроқ Пакетли коммутация транспорт технологиясига мос келади. Чунки у маълумотларни юқори тезликда узатиш ҳисобига трафикларни (овоз, маълумот ва видео) бирлаштириш ва лозим бўлган сифатли хизматни таъминлайди ва Халқаро Телекоммуникация Иттифоқи (ITU-Т) томонидан G.983.1 ва G.983.2 тавсиялари номини олган. Оптик уланувчи тармоқлар қурилишининг тўртта асосий топологиялари мавжуд: “нуқта-нуқта”, “халқа”, “актив тугунли дарахтсимон”, “пассив тугунли дарахтсимон”. “Нуқта-нуқта” топологияси (2.2.1. а – расм) фойдаланилаётган тармоқ технологиясида чегараланишларга йўл қўймайди. Нуқта-нуқта топологияси ихтиёрий тармоқ стандартида ҳам, ностандарт ечимларда ҳам амалга оширилиши мумкин. Узатилаётган ахборот ҳимояси ва ҳавфсизлиги нуқтаи назаридан “нуқта-нуқта” уланишида абонент тугунларининг максимал ҳимояланганлиги таъминланади. 2.2.1.– расм Уланувчи тармоқда мантиқий уланишнинг фундаментал топологиялари.