Текст редактор ms word

Текстти форматташтыруу

• 
  тексттин жалпы көрүнүшүн өзгөртүү;
  
• 
  абзацтын жалпы көрүнүшүн өзгөртүү;
  
• 
  стилдердин жардамы менен тексттин жана абзацтын жалпы көрүнүшүн өзгөртүү.
  

Текст
Документтин жалпы көрүнүшү ал камтыган маалымат окурманга тез жана жөнөкөй жетишкендигине өбөлгө түзгөндөй болушу керек. Microsoft offise word 2003 профессиональдык документ даярдоого жардам берет. Форматтоо элементтери текстти кандайдыр бир категорияда: иштиктүү, маркетингдик, жеке кабылдоодо жардам берет. Маанилүү маалыматка окурмандын көңүлүн буруу үчүн бир сөздү, же фразаны ар кандай ыкмалар менен белгилөө керек.
Бул бөлүмдө документтин жалпы көрүнүшүн тексттин «атрибут» деп аталган мүнөздөмөсүн өзгөртүү менен жакшырта аласыз. Мындан тышкары чегинүүнү жөнгө сала аласыз, абзацтарды тегиздей аласыз. Табуляция позициясын коё аласыз, андан соң номерлешкен, модификацияланган белгиленген тизмелерди түзө аласыз. Акыры сиз биргелешкен стилдерди колдонуп клавишаларды бир нече ирет басуу менен документтин түрүн өзгөртө аласыз.


Тесттин Форматын Өзгөртүү
Документте текст шрифттин жардамы менен чыгарылат. Шрифт окшош дизайнда болгон белгилердин топтому. Бир эле шрифт ар кандай өлчөмдө болушу мүмкүн. Шрифттин өлчөмү пункт менен ченелет. Бир пункт 1 / 72 дюймга барабар. Шрифттер өз аталышына ээ, жана алардын ар бири өзүнчө өзгөчөлүккө ээ.
Шрифти шрифт талаасында тандап алса болот. Шрифт компьютерде болуш үчүн аны орнотуу керек. Кээ бир кеңири таркалган шрифттер (мисалы, Times New Roman, Arial же A97_Oktom_Times ж. б. ) операциялык системаны орнотууда автоматтык түрдө коюлат, башкалары (мисалы, Tajik, Toktomkg) кошумча орнотууну талап кылат.


Текстти түс менен бөлүү
Эгерде документти электрондук почта менен жөнөтүү керек болсо, же түстүү принтерден чыгаруу болсо текстке жана анын фонуна ар кандай түс берсе болот.
Документтин ар бир элементине тиешелүү шрифтти тандап алгандан кийин бул белгилердин топтомун ар кандай эффектке жетүү үчүн колдонсоңуз болот. Мисалы Софтлайн компаниясы ар кандай өлчөмдөгү жана ар кандай кызгылт сары түстөгү шрифттерди колдонуп каталогтогу ар кандай деңгээлдеги аталыштарды бөлүп көрсөтсө болмок. Мындай элементтерди колдонууну көбүнчө текстти форматтоо деп аташат.


КЕҢЕШ_____________________________________________________
Форматтоо элементтерин акылга сыярлык колдонуу жөнөкөй документти жагымдуу кылат, бирок бул элементтерди дилетанттык түрдө өтө көп колдонуп жиберүү документтин таасирин төмөндөтүп жиберет. Мисалы, бир эле документте ар кандай шрифттин ашыкча болушу - колдонуучунун тажрыйбасыздыгынын белгиси. Адистер бир документте эки - уч шрифттен ашык колдонбойт. Баш тамгалар чегинүү менен бирге аталыштар жана башка тексттеги акценттелген элементтер үчүн керек, бирок тексттин өзү жалаң баш тамгалардан турса көздү чарчатып жиберет.
Документти форматтоодо тапшырмалар панелин ачып тексттин форматы, шрифти жана атайын эффекттери чагылдырылган форматтоону көрсөтсө болот. Бул панелдин жардамы менен бөлүнгөн фрагменттин форматын өзгөртсө болот, ошондой эле документтин ар кыл бөлүктөрүнүн форматтарын салыштырса болот.