Текст проекта 24247-(24247)

project.gov.uz
11.11.2020
94
392. Юк жўнатувчи томонидан тез бузиладиган юкларни умумий фойдаланишдаги жойларда
ортиш учун олиб киришга темир йўл станциясида тегишли, зарур ҳолларда анжомлар
(экипировка) билан таъминланган темир йўл ҳаракатдаги таркиби мавжуд бўлгандагина рухсат
берилади.
Йилнинг ёз мавсуми ва ўтиш даврида музлатилган ва совутилган юклар, шунингдек, қиш
мавсумида музлаб қолишига йўл қўйилмайдиган юклар, юклаш жойига ташқи ҳаво ҳарорати
таъсиридан ҳимояланган ҳолда авторефрижераторлар ёки кузови иссиқлик изоляцияси билан
жиҳозланган юк автотранспорт воситаларида етказилиши керак.
Юк жўнатувчи кузатувчи ҳужжатларда юк автотранспорт воситасининг турини, юкни олиб келиш
масофасини ва ташқаридаги ҳаво ҳароратини кўрсатиши шарт.
393. Тез бузиладиган юклар, Қоидаларнинг 30–боби ва ушбу бобида белгиланган, юкнинг сифати
тўғрисидаги кузатувчи ҳужжатда ёки маркировкада кўрсатилган яроқлилик муддати ҳамда уларни
ташишнинг чекланган муддати етказиб бериш муддатидан кам бўлганда, ташишга қабул
қинмайди.
Сақлаш муддати тугаган ёки ишлаб чиқариш санасидан ортишгача
ва етказиб бериш муддатигача юкни сақлашнинг умумий давомийлиги
ушбу турдаги маҳсулот учун техник жиҳатдан тартибга солиш соҳасидаги норматив ҳужжатларда
белгиланган сақлаш муддатидан ортиқ бўлса ҳам,
юк ташиш учун қабул қилинмайди.
394. Истисно тариқасида, алоҳида вазиятлар натижасида, ҳолати ва қадоғи техник жиҳатдан
тартибга солиш соҳасидаги норматив ҳужжатлар талабларига (стандартлар, техник регламентлар,
техник шартлар) жавоб бермайдиган тез бузиладиган юклар, шунингдек, чеклангандан ортиқ
муддат давомида ташиш зарурати юзага келганда, юклар Ўзбекистон Республикаси Темир йўл
уставига мувофиқ ташишга қабул қилинади (алоҳида шартлар асосида).
395. Тез бузиладиган юкларни ташиш усуллари белгиланадиган йилнинг мавсумлари (даврлари)
ушбу Қоидаларнинг 37–иловасида келтирилган.
Юк ташиш усулини танлашда, юк жўнатувчи ҳисоб–китоб бўйича етказиб бериш муддатни, юкни
транспортга жойлаб ташиш муддатини ҳамда юкнинг
бут сақланиши ва сифати таъминланишини инобатга олган ҳолда йил даври ва йўл давомида
иқлим шароитларини ҳисобга олиши керак.
396. Турли хилдаги тез бузиладиган юкларни битта вагонда (контейнерда) ташишга ҳид
чиқармайдиган ва ўзига ҳидни тортмайдиган, ташиш шартлари
ва хизмат кўрсатиш усуллари бир хил бўлган юкларга нисбатан рухсат этилади. Бундай ҳолатда,
шу каби юкларни етказиб бериш муддати энг кам бардошли юк учун белгиланган ташиш
муддатлидан ошмаслиги керак.
397. Тез бузиладиган юкларни ортиш учун бериладиган вагонлар Ўзбекистон Республикаси Темир
йўл уставининг талабларига жавоб бериши керак.
Балиқ ва бошқа юкларнинг ҳиди мавжуд бўлган вагонлардан тез бузиладиган юкларни ортиш
учун фойдаланишда вагонлар иссиқ сув
билан ювилиб, шамоллатилгандан сўнг рухсат берилади.
398. Йилнинг ўтиш мавсумида совуқ тушишидан олдин ёпиқ вагонларда ташиш вақтида: хом
дудланган колбасалар, қуритилган балиқ, мева ва сабзавотлар, ширдон сувли қаттиқ пишлоқ ва
совутилмаган товуқ тухумлари бутун йўл давомида вентиляция ёрдамида узлуксиз

---