Текст проекта 24247-(24247)

project.gov.uz
11.11.2020
88
пакетининг массаси поддон массаси ҳисобга олинмасдан) кўрсатилади;
д) юкхатининг 4–графасида вагонга юкланган пакетлаш воситаларининг тури ва сони
кўрсатилади.
364. Транспорт пакетларига шакллантирилган юкларни қабул қилиш
ва топшириш ҳамда транспорт пакетларидаги юк вазнини аниқлаш
ушбу Қоидаларнинг 5 ва 9–бобларига мувофиқ амалга оширилади. Бунда, темир йўл
(инфратузилма эгаси, ташувчи) умумий фойладанишдаги жойларда транспорт пакетларидаги
юкларни фақат ташқи кўрикдан ўтказиб, транспорт пакетидаги юк миқдорини текширмасдан
қабул қилади. Транспорт пакетларидаги юкларни топшириш худди шу тартибда амалга
оширилади.
365. Етказиш манзилидаги темир йўл станциясида темир йўл (инфратузилма эгаси, ташувчи)
воситалари билан туширилган шикастланган транспорт пакетлари аниқланганда, темир йўл
станцияси транспорт пакетининг ичидаги нарсаларини, шикастланган жойларда эса –
ҳисоб–фактуралар бўйича юкнинг сони, массаси
ва ҳолатини текшириши шарт. Текширув натижалари далолатнома
билан расмийлаштирилади.
366. Юкларни пакетлаш учун қўлланилаётган поддонлар, строплар
ва пакетлаш воситалари техник жиҳатдан тартибга солиш соҳасидаги норматив ҳужжатлар
талабларига мос бўлиши керак.
367. Етказиш манзилидаги темир йўл станциясида поддонлар юкни олувчига юк билан бирга
топширилади.
Юкланган ҳолатдаги носоз поддонлар, агар поддонлар носозлиги юкнинг бутлигига, юк ва
транспорт операциялари хавфсизлигига таъсир қилмаган
бўлса, юкни олувчи томонидан тўсқинликларсиз қабул қилинади.
368. Пакетлаш воситалари умумий асосларда вагонли ва майда жўнатмалар билан тақдим
этилишига кўра, тўлиқ ташиш ҳужжатлари бўйича тариф тўлови амалга оширилган ҳолда ташиш
учун қабул қилинади.
369. Пакетлаш воситаларидан фойдаланиш тартиби уларнинг эгалари томонидан ўрнатилади.
Ташиш учун қабул қилинган пакетлаш воситалари етказиш пунктларига ушбу Қоидаларда
белгиланган муддатларда темир йўл (инфратузилма эгаси, ташувчиси) томонидан етказиб
берилади.
370. Пакетлаш воситаларининг техник назорати, таъмири, мустаҳкамлигини синаш ишлари
уларнинг эгалари томонидан бажарилади.