Текст проекта 24247-(24247)

project.gov.uz
11.11.2020
137
штемпели ва ушбу Қоидаларнинг 579–бандида кўрсатилган шахслар имзоси билан тасдиқланади.
Ушбу далолатнома юкни олувчига унинг талабига биноан берилади.
Йўл давомида жойлашган темир йўл станциясида тузилган далолатномада мавжуд бўлган
маълумотлар юкни текшириш вақтида аниқланган маълумотларга мос келмаган ҳолатларда янги
тижорат далолатномаси тузилади.
582. Юкларнинг экспертизаси ушбу Қоидаларнинг 9–бобида кўзда тутилган тартибда амалга
оширилади. Ўтказилган экспертиза тўғрисида тижорат далолатномасининг “Е” бўлимига белги
қўйилган бўлиши керак.
583. Юкни олувчининг талабига биноан темир йўл станцияси уч кунлик муддат ичида ушбу
жўнатма учун тузилган тижорат далолатномасини бериши шарт.
Юкни олувчиларга далолатномани бериш темир йўл станцияси йиғмажилдларида сақланадиган
далолатнома нусхасига имзо қўйиш йўли
билан амалга оширилади, юкни олувчининг тижорат далолатномаларини олиш
ёки юкни қабул қилиш ҳуқуқини берувчи ишончномасига эга бўлган шахс далолатнома
берилишини ташкилотлар номидан талаб қилади.
Йўл давомида ёки темир йўл станцияси омборига юкни туширишда
юк жўнатувчи пломбасига эга бўлган вагонда юкнинг бут сақланмаганлиги аниқлангани
тўғрисида далолатнома тузилган бўлса, етказиш манзилидаги темир йўл станцияси юкни
топшириш чоғида у томонидан тузилган далолатнома берилишидан қатъи назар юкни олувчига
бундай далолатноманинг нусхасини бериши шарт.
Юк топширилган кундан эътиборан олти ой муддат давомида тузилган далолатномалар
берилишини талаб қилиш мумкин.
584. Умумий шаклдаги далолатнома қуйидаги ҳолатларни тасдиқлаш
учун тузилади:
а) юк жўнатувчи томонидан юкхатига илова қилинган ҳужжатларнинг йўқолиши;
б) темир йўл шохобча йўли эгаси ва юкни олувчига боғлиқ сабабларга кўра етказиш манзилидаги
темир йўл станцияси, оралиқ ва қўшни темир йўл станцияларида юкни тушириш,
ортиш–тушириш учун тақдим қилинишини кутиш натижасида вагонларнинг туриб қолиши;
в) юкни олувчи воситалари ёрдамида юк туширилгандан сўнг вагонлар
юк қолдиқлари ва ахлатдан тозаланмаганлиги;
г) цистерна ва бункерли ярим очиқ вагонларнинг ташқари томони
юк қуйилган ва тўкилгандан сўнг тозаланмаганлиги. Цистерна ва бункерли ярим очиқ вагонларда
тўлиқ тўкилмаган юк қолдиқлари аниқланганда Суюқ юкларни қуйилган ҳолда ташиш
қоидаларида кўзда тутилган далолатнома тузилади;
д) юк жўнатувчининг розилиги бўйича тозаланмаган вагонлар унинг воситалари билан юк ортиш
учун темир йўл (инфратузилма эгаси, ташувчи) томонидан тақдим этилиши;
е) юкхатида вагонга пломба қўйилганлиги тўғрисида белги бўла туриб, вагонда пломба
бўлмаганда, пломба шикастланганда ёки алмаштирилганда,
бунда тижорат далолатномасини тузиш учун асос бўладиган ҳолатлар мавжуд бўлмаса,
шунингдек, йўл давомида ёки етказиш манзилидаги темир йўл станцияда вагонлардаги
қўрғошинли пломбалар ноаниқ ёки куч ишлатиш излари бўлмаган кесилган бўлаклари аниқланса,
агар ўқилувчи белгилар юкхатидаги маълумотларга мос келса ва пломбада темир йўл станция ва

---