Текст проекта 24247-(24247)

project.gov.uz
11.11.2020
135
574. Тижорат далолатномалари темир йўлнинг (инфратузилма эгаси, ташувчи) ваколатли вакили
томонидан темир йўл станциясида қуйидаги ҳолатларни тасдиқлаш учун тузилади :
а) юкнинг ҳақиқий номи, вазни ёки жойлари сони ташиш ҳужжатида кўрсатилган маълумотлар
билан мос келмаслиги;
б) юкнинг бузилиши ёки шикастланиши;
в) юкнинг ҳужжатсиз ёки ҳужжатларнинг юксиз аниқланиши;
г) ўғирланган юкнинг темир йўлга (инфратузилма эгаси, ташувчи) қайтарилиши;
д) юкни ҳужжатлар бўйича топшириш ишлари товар идорасида (кассасида)
расмийлаштирилганидан сўнг темир йўл (инфратузилма эгаси, ташувчи) томонидан шохобча
темир йўлига юк 24 соат мобайнида топширилмаслиги.
Бу ҳолда тижорат далолатномаси фақат юкни олувчи талабига кўра тузилади.
575. Юқорида қайд этилган ҳолатларни ўзи аниқлаган бўлса ёҳуд юкни олувчи ёки юк жўнатувчи
ҳеч бўлмаганда бу ҳолатларнинг биттаси мавжудлигини кўрсатган бўлса, темир йўл
(инфратузилма эгаси, ташувчи) тижорат далолатномасини тузишга мажбурдир.
Тижорат далолатномасида маълумотлар ташиш ҳужжатлари, шокуллар
ва вагон тарозисидаги ўлчаш ва тортиш китоблари асосида кўрсатилади.
Юк массасидаги фарқ юк массасининг табиий камайиши ва тарози кўрсаткичларидаги тафовут
меъёридан ортиқ бўлмаган ҳолларда тижорат далолатномаси тузилмайди, юк топширилишини
расмийлаштириш
эса ушбу Қоидаларнинг 9–бобида назарда тутилган тартибда амалга оширилади.
576. Тижорат далолатномалари қуйидаги кунларда тузилади:
а) умумий фойдаланишдаги жойларда юкни туширишда – тушириш кунида, юкни олувчига юкни
топширишда эса – топшириш кунида;
б) умумий фойдаланишда бўлмаган жойларда юкни туширишда – юкни тушириш кунида, бунда
юкни текшириш ишлари тушириш вақтида ёки бевосита туширишдан сўнг амалга оширилиши
керак.
Вагон тарасининг массаси юкни тушириш кунида унинг вазнини текширган темир йўлнинг
(инфратузилма эгасининг, ташувчининг) ваколатли ходимидан бошқа ходим томонидан
текширилган бўлса, далотноманинг “Д” бўлимида юкнинг вазнини ўлчашда ва вагон тарасисини
текширишда қатнашган темир йўлнинг (инфратузилма эгасининг, ташувчининг) ваколатли
ходимлари кўрсатилади. Далолатнома вагоннинг тарасини текширишда қатнашган темир йўлнинг
(инфратузилма эгасининг, ташувчининг) ваколатли ходими томонидан имзоланади.
в) юкни йўл давомида ташишда – тижорат далолатномасини расмийлаштириш лозим бўлган
ҳолатлар аниқланган кунда.
577. Тижорат далолатномалари уч нусхада тузилади ва электрон, босма шаклда ёки сиёҳлар билан
аниқ, бўяшларсиз, тўғирлашларсиз ва ҳеч қандай тузатишларсиз тўлдирилади. Ҳар бир
далолатномада темир йўл станциясининг қаторли штемпели қўйилади. Далолатноманинг биринчи
нусхаси ўрнатилган тартибда текшириш учун юборилади, иккинчи нусха юкни олувчига унинг
талабига кўра топширилади, учинчиси эса темир йўл станциясинининг иш жилдларида сақланади.
Темир йўлнинг темир йўл станциялари томонидан далолатномаларни
бир босма бирига юбориш тартиби темир йўл томонидан ўрнатилади.

---