Текст проекта 24247-(24247)

§ 2. Гўшт ва гўшт маҳсулотларини ташиш

---

project.gov.uz
11.11.2020
100
412. Гўшт ва гўшт маҳсулотлари давлат ветеринария хизмати органлари томонидан
текширилгандан кейин уларни вагонларга юклаш учун рухсат берилади. Темир йўл
станциясининг бошлиғи вагонларни юк ортиш учун олиб киришдан
24 соат олдин давлат ветеринария хизмати органларини бундай юкларни юклаш учун белгиланган
вақт тўғрисида хабардор қилиши шарт.
Гўшт ва гўшт маҳсулотлари фақат ветеринария гувоҳномасида (халқаро қатновларда ташиш
чоғида – сертификат) кўрсатилган темир йўл станциясигача
ва юкни олувчи манзилига ташиш учун тақдим этилиши лозим.
Ветеринария гувоҳномасида (сертификатда) етказиш манзилидаги темир йўл станцияси ва юкни
олувчининг номини юк ортиш пайтида ўзгартириш, давлат ветеринария хизмати органларининг
розилиги билан амалга оширилади.
Кўрсатилган юкларни йўл давомида ва етказиш манзилидаги темир йўл станциясида манзилни
ўзгартириши тўғрисида темир йўл станциялари бошлиқлари давлат ветеринария хизмати
органларини хабардор этиши шарт.
413. Юк жўнатувчилар қуйидаги шартларга жавоб берадиган музлатилган гўштни ташишга
тақдим этиши лозим:
а) қорамол ва бошқа йирик жониворларнинг гўшти (нимталанмаган танаси) бўйлама икки ёки
чорак қисмга ажратилган ҳолатда; чўчқа гўшти – бошсиз, бўйлама икки қисмга ажратилган ёки
бутун ҳолатда; қўй ва бошқа майда жониворларнинг гўшти бошсиз бутун ҳолатда ташишга
тақдим этилиши лозим;
б) сўйилган жонивор гўштининг бутун, ярим ва чорак қисмлари ички органлар ва қуйилиб қолган
қон, ифлосликлар, шунингдек, муз ва қор қолдиқларидан ҳоли бўлиши лозим. Сўйилган жонивор
гўшти бутун, ярим ва чорак қисмларининг юзалари шикастларсиз, урилган ва қонталашган
жойларсиз бўлиши зарур;
в) суякларга яқин мушакларда гўштнинг Цельсий шкаласи бўйича ҳарорати минус 8 даражадан
юқори бўлмаслиги лозим.
414. Қадоқсиз ташилаётган музлатилган гўшт, пол панжараларини
ва юк ортиш баландлигида деворларни олдиндан рогожа ёки қоғоз билан қоплаб, вагон панжараси
ва деворлари орасида совуқ ҳаво айланиши учун тирқишлар қолдирилган ҳолда зич ортилади.
Музлатилган гўшт блоклари ҳарорати Цельсий бўйича минус 8 даражадан ортиқ бўлмаслиги,
пергамент, подпергамент, пергамин, целлофан ёки шаффоф плёнкаларга ўралган ҳамда изотермик
картонли контейнерлар ёки картон қутиларга жойланган бўлиши лозим.
415. Юклаш вақтида совутилган гўштнинг мушаклар ва суяклардаги ҳарорати Цельсий бўйича 0
дан плюс 4 даражагача бўлиши, юзаси қуруқ бўлиб, қуруқлигининг аломатлари мавжуд бўлиши,
моғор, шилимшиқлик, намлик белгилари бўлмаслиги ва музлатилган гўшт каби қсмларга
ажратилган бўлиши керак. Бўлакларга ажратилган чўчқа гўштини совутилган ҳолатда ташишга
йўл қўйилмайди.
Саноатда қайта ишлаш учун юборилаётган музлатилган гўштни музлатиш жараёнидан сўнг
рефрижераторли вагонларга юклаш чоғида гўштнинг 1 см чуқурлигидаги ҳарорати Цельсий
бўйича минус 3 дан минус 5 даражагача бўлиши лозим.
Сақлаш камераларидан ортилаётган сўйилган жонивор гўшти ярим тана қисмининг тўлиқ ҳажми

---