Текст проекта 24247-(24247)

project.gov.uz
11.11.2020
102
421. Субмаҳсулотлар (бош, тил, мия, лаблар, оёқлар, юрак, ўпка, жигар, буйрак, қулоқ, дум,
меъда) фақатгина музлатилган ҳолатда ташишга тақдим этилиши керак, бунда тўқималар
қатламидаги ҳарорат Цельсий бўйича минус
6 даражадан юқори бўлмаслиги лозим.
Субмаҳсулотлар янги сўйилган, тоза ва бузилиш аломатларисиз бўлиши лозим.
Бош, оёқлар ва қулоқлар фақатгина қайноқ сувда ювилган (куйдирилган) ҳолатда ва терисиз
ташилади.
Давлат ветеринария хизмати органларининг рухсати билан чорва молларига (жониворларга) ем
учун мўлжалланган брикетланган яхлаган субмаҳсулотлар тарасиз ҳамда вагон поли ва юк ортиш
баландлиги бўйича деворларини қоғоз билан қоплаган ҳолда ташилади. Бу ҳолатда юк жўнатувчи
юкхатининг
“Юк жўнатувчининг алоҳида маълумотлари ва белгилари” графасида субмаҳсулотлар чорва
моллари (жониворлар) учун мўлжалланганини кўрсатиши шарт.
422. Эндокрин хом ашё (меъдаости, қалқонсимон, парақалқонсимон
ва бошқа безлар) музлатилган ҳолатда рефрижераторли вагонларда ташилади.
423. Дудланган гўшт маҳсулотлари Цельсий бўйича плюс 4 даражадан юқори бўлмаган ҳароратда
ташишга тақдим этилиши ҳамда уларда дуднинг ўзига хос ҳиди билиниб туриши, қуруқ, тоза,
гўшти ва ёғлари ажралиб қолмаган бир маромда дудланган юзага эга бўлиши, гўштнинг осилиб
қолган қисмларисиз, моғорсиз ва соч қолдиқларисиз бўлиши лозим.
Дудланган гўшт маҳсулотлари ораси очиқ яшикларда ташилади.
Шунингдек, дудланган маҳсулотларни, устига озиқ–овқат учун мўлжалланган эритилган ёғлар
қўйиб, бочкаларда ташишга рухсат берилади.
424. Чала дудланган ва ярим дудланган колбасалар қобиғи шикастланмаган тоза ва қуруқ юзага
эга бўлиши лозим. Чала дудланган колбасаларнинг консистенцияси қаттиқ ва зич, ярим дудланган
колбасаларники эса эгилувчан
ва зич бўлиши керак.
Колбасанинг намлиги сифат гувоҳномасида ёки сертификатда кўрсатилиб, белгиланган
стандартдан юқори бўлмаслиги лозим.
Ярим дудланган колбасалар ортиш вақтида Цельсий бўйича плюс
4 даражадан юқори бўлмаган ҳароратга эга бўлиши лозим.
425. Шпик, бекон ва колбасалар қадоқланган ҳолда ташилади.
Ташишга тақдим этилган шпик қуйидагича бўлиши лозим:
ранги – оқ ёки оч пушти тусли оқ бўлиб, сарғайиш ва тўқлашиш аломатларисиз ёки бошқа ҳар
қандай ортиқча ранглардан холи бўлиши;
консистенцияси – зич, ёғсиз ва қимизак таъмсиз;
ҳиди ва таъми – янги тайёрланган, тузланган ёки тузли–дудланган шпикка хос бўлиши,
бузилмаган ҳамда бошқа таъм ва ҳидларсиз бўлиши керак.
426. Жониворларнинг озиқ–овқат учун мўлжалланган эритилган ёғлари (мол, қўй, чўчқа ва илик
ёғлари) ёғочдан ясалган бочкаларда, тунука ва шиша банкаларда ёки ёғ ўтказмайдиган қоғозларга
ўралган ва яшикларга тахланган брусларда ташилади.

---