Tekis shakllarning aksonometriyalarini izometriyada yasash

Kirish
Kurs ishi mavzusining dolzarbligi. Prezidentimiz I.A.Karimovning “Ona yurtimiz baxt-u iqboli va buyuk kelajagi yo’lida xizmat qilish eng oily saodatdir” asarida “Ta’lim-tarbiya va tibbiyot muassasalarini yanada rivojlantirish, ularning moddiy-texnik bazasini mustahkamlash va bugungi kun talablari asosida jihozlash darajasini oshirish, ijtimoiy infratuzulma obyektlarini jadal rivojlantirish, aholini sifatli ichimlik suvi va zamonaviy sanitariya tozalash tizimlari bilan ta’minlash biz uchun ustuvor yo’nalish hisoblanadi” – deyilgan [1].
Zamonaviy ijtimoiy-iqtisodiy taraqqiyot darajasi o’quvchilarning umumta`lim tayyorgarligi bilan birga ularning texnik va texnologik bilim ko’nikmalarini shakllanishiga ham yuqori talablar qo’ymoqda.
Mehnat ta`lim darslarida o’quvchilarning texnik modellashtirish ko’nikmalarini shakllantirishda moslamalardan foydalana olishini o’rgatish, texnik vazifalarini yechishda va mehnat jarayonlarini bajarishda muhim ahamiyat kasb etibgina qolmay bu bilimlarni amaliy qo’llash sohasini kengaytirish, ulardan majmuaviy foydalanish zarurligini o’rgatish kelib chiqadi.
Mehnat ta`limi darslarida o’quvchilarni texnik bilim va ko’nikmalarini shakillantirishda moslamalardan foydalana olishga o’rgatish: ta`lim mazmunini optimallashtirish, o’quvchilarning mehnat jarayonlarini bajarish jarayonida ishni tez, aniq va oson bajarishga, mashg`ulotlarni chuqur va puxta o’rganishga; mashg`ulotlarning ta`limiy, tarbiyaviy va rivojlantiruvchi maqsadlarning izchilligi va uyg`unligini ta`minlashga; o’zlashtirilgan bilim va kasbiy ish-harakat usullarini oldindan ma`lum bo’lmagan holatlar va vaziyatlarga “ko’chirish”, ya`ni o’quvchilarda mantiqiy tafakkur, mustaqillik va ijodiy qobiliyatlarni shakllantirish, umuman olganda yetuk mutaxassislar tayyorlash sifatini oshirishga katta imkoniyat yaratadi [7], [9].
Hozirgi kunda Respublikamizda ishlab chiqarish korxonalari fan va texnikaning so’ngi yutuqlari asosida ishlab chiqarilgan jihozlar bilan ta`minlanishi, zamonaviy ishlab chiqarish texnologiyalarining joriy etilishi, mehnat bozorida yuqori malakali mutaxassislar bilan ta`minlashni talab etadi.