Техник ижодкорлик ва конструкциялаш”

Эркаклар шимида ён чўнтак турларининг кўриниши
а-қирқма оғма; б- ёйсимон қирқма; с-қирқма листочкали; д- чокда жойлашган

Эркаклар шими учун асосий, астар ва оралиқ газламалар танланади.

Асосий авра газлама сифатида жун, яримжун, лавсан, тукли ва шаклни сақловчи трикотаж полотноси, сунъий костюмбоп газламалар тавсия етилади. Шим учун енг кўп тарқалган авра газламалар ассортиментига трико, мовут, велвет, джинс, коверкотт, твид, фланел каби классик артикуллар билан бир қаторда, чўзилувчан силлиқ ва тукли, жаккард сунъий газламалар артикули ҳам киради. Авра газламалар кам ғижимланувчан, шаклсақловчи, чўзилмайдиган, киришмайдиган, пишиқ, кирчимол бўлиши керак. Бу талаблар айниқса иш ва кундалик кийиш учун мўлжалланган шимлар учун муҳимдир.
Шу билан бирга авра газлама ранги офтоб ва об-ҳаво таъсирига чидамли, ишқаланишга, дазмоллашга чидамли бўлиши керак. Шим астари учун сунъий ва шойи астарлик газламалар тавсия етилади. Одам юрганда шим бўлаклари қадам ташлашга, ўтиришга оёқни букишга ҳалақит қилмаслиги керак. Шунинг учун астар газлама силлиқ, сирпанувчан фактурали (сиртли) бўлгани маъқулдир.
Қотирма материаллар ва фурнитурага асосан шим белбоғини мустаҳкамлаш учун мўлжалланган корсаж тасма, почасини емирилишдан сақловчи атлас тасма, чўнтак бўлакларига қойиладиган уқа (флизелин ёки дублирин) киради. Фурнитура ва қотирма газлама турлари ишлаб чиқаришда қабул қилинган технология ва жиҳозларга боғлиқ ҳолда танланади.
Шим чизмасини қуриш учун олинадиган ўлчовлар.
170-100-88 размердаги эркаклар намунавий
қоматининг размер ўлчовлари

Ўлчов белгиси	Ўлчов белгисининг номланиши	Ўлчов қиймати, см.
Сбел	Бел айланаси	44,0
Сбўкса	Бўкса айланаси	50,6
Дбел.тиз	Белдан тиззагача бўлган масофа	58,1
Дшим	Шим узунлиги	98,0

Классик услубдаги эркаклар шими конструкциясини қуриш учун тавсия этилган қўшимчалар: П_бел = 1,0 см, П_бўкса = 2,0 см.
Бу ерда: П_бел–бел айланасига; қўшимча, П_бўкса – бўкса айланасига қўшимча.
Эркаклар шими конструкциясини қуриш тартиби СОТШп усули бўйича баён этилган.