Техник ижодкорлик ва конструкциялаш”

Мавзу юзасидан саволлар
1. Ўғил болалар ич кийимига характеристика беринг?
2. Ич кийим чизмасини қуриш учун қандай ўлчовлар олинади.
3. Ич кийим чизмасини конструкциялаш тартиби ҳақида маълумот
беринг?
4. Ўғил болалар ич кийими учун газлама танлаш?


5- Мавзу: Ўғил болалар кўйлаги асос чизмасини чизиш.
Режа.
1. Ўғил болалар кўйлагига характеристика.
2. Кўйлак чизмасини қуриш учун олинадиган ўлчовлар.
3. Кўйлак чизмасини конструкциялаш.

Ўғил болалар кўйлагига характеристика.
Эркаклар кўйлагини турли хил газламалардан: пахта толали, шойи, жун ва аралаш толали газламалардан тайёрлаш мумкин.
Кўйлак ташқи кўринишига қараб турли услубий
ечимда бўлиши мумкин: классик, спорт, романтик.
Эркаклар классик сорочкаси.


Классик услубий ечимдаги кўйлаклар оддий кўринишда бўлиб, уларни ҳар куни байрамларда ва хизматга кийишади. Силуети асосан тўғри, ярим ёпишган ёки ёпишган бўлиши мумкин. Классик услубдаги кўйлаклар майин пахта толали, шойи, пахта-лавсанли ва сунъий толали газламалардан тикилади. Газлама ранглари кўп ҳам кўзга ташланавермайди. Лекин бундай кўйлаклар ҳеч ҳам модадан чиқмайди, бир оз ташқи кўриниши ўзгаради холос.
Спорт услубидаги кўйлаклар – кенг бичимлилиги билан ва майда бўлакларининг кўплиги билан ажралиб туради. Бундай кўйлакларнинг енглари ўтқазма, кокеткаси билан яхлит ёки реглан бичимли бўлади. Кўйлакга асосан бостирма чўнтак, ҳар хил кўринишдаги чўнтак қопқоқлар, кокеткалар, погонлар, хлястиклар тикилса жуда мос келади. Майда бўлакларни безак чоклар билан, металл ёки чармли фурнитура билан безаш мумкин.
Спорт услубидаги кўйлаклар тақилмаси этаккача ёки кўкрак чизиғигача лойиҳаланиши ва уларга планка билан ишлов берилиши мумкин.
Газламалар ранги - очиқ рангда катак ёки йўл-йўл гулли қилиб танланади. Бундай кўйлаклар пахта толали, зиғир, жун, шойи ва сунъий толали матолардан тикилади.