Техник ижодкорлик ва конструкциялаш”

Олти бўлакли юбкани асос чизмасини конструкциялаш
Бу юбкани лойиҳалаш учун гавдадан олинган қуйидаги ўлчовлар керак бўлади:
БлА = 76 см ҚБл = 2 см
БкА = 106 см ҚБк = 4 см
ЮУ = 70 см.
1. Қоғознинг юқори ўрта қисмида Бл нуқтани белгилаб, ундан пастга вертикал чизиқ ўтказилади.
2.БлЕ = ЮУ = 70 см (юбка узунлиги).
3.БлБк = 18—20 см (бўкса чизиғи).
4. Бл, Бк, Э нуқталардан горизонтал чизиқ ўтказилади.
5. Бл1Бл2 = (БлА+ҚБл):6 = (76+2):6= 13 см (белдаги кенглик).
6. БлБл1=БлБл2=Бл1Бл2 : 2 =13:2 =6,5 см (белдаги кенгликнинг ярми).
7. БлБл3 = 0,5—1 см (бел чизиғининг тушиши).
8. Бл1, Бл3, Бл2 нуқталар равон эгри чизиқ билан туташтирилади.
9. Бк1Бк2=(БкА+ҚБк):6=(106+4):
6=18 см (бўксадаги кенглик).
10. БкБк1=БкБк2=Бк1Бк2:2=18:2 =9см (бўксадаги кенгликнинг ярми).
11. Бл1, Бк1 нуқталар ва Бл2, Бк2 нуқталар чизғич ёрдамида туташтирилади ва этак горизонтал чизиғи билан кесишгунча давом эттирилади.
Мос равишда Э1, Э2 нуқталар билан белгиланади.
12. Бл1Е3 = Бл2Е4 = Бл3Е (ўрта чизиқни чизмадан ўлчаб, ён томон узунликлари белгилаб олинади).
13. Э3, Э, Э4 равон эгри чизиқ билан туташтирилади.
14. Этак қисмини моделга қараб кенгайтириш мумкин.
Қуёш юбкаларни асос чизмасини конструкциялаш
Бундай юбкалар этак қисмидаги кенгайиши бўйича энг катта миқдорни эгаллаган ва бўкса чизиғида эса бўкса кенглиги чегараланмаган бўлади. Бундай юбкаларни лойиҳалаш учун қуйидаги ўлчовлар керак бўлади.
БлЯА = 38 см
ЮУ = 70 см
ҚБл = 1 см
„Ярим қуёш“ юбкани асос чизмасини конструкциялаш
1. Тўғри бурчак чизилиб, унинг бурчагига О нуқта кўйилади.
2. Р1=(БлЯА+ҚБл):3х2-2=24 см (бел чизиғигача бўлган оралиқ).
3. Р2 = Р1+ЮУ=24+70=94 см (этак чизигигача бўлган оралиқ)
4. Бичиш жараёнида юбканинг бўй ипи газламанинг бўй ипига нисбатан 45° бўлишини эътиборга олган ҳолда, бунинг натижасида газламанинг чўзилиши юзага келиб, юбка этак қисмининг узайиши содир бўлади. Шунинг учун Э2Е3 = 1,5—3 см (етак қисмининг кўтарилиши, бу қиймат газламанинг хоссасига боғлиқ).
5. Э1, Э3, Э нуқталар равон эгри чизиқ билан туташтирилади.
„Қуёш“ юбкани лойиҳалаш.
1. Тўғри чизиқда О нуқта белгиланиб, О нуқтадан пастга перпендикуляр ўтказилади.
2. Р1 = БлЯА:3-1 = 38:3-1 = 12 см (бел чизиғигача бўлган оралиқ).
3. Р2 = Р1+ ЮУ = 12+70 = 82 см (етак қисмигача бўлган оралиқ). Юбканинг этак қисми ҳудди „ярим қуёш“ юбканикига ўхшаб чизилади.

1. Юбкани лойиҳалаш учун гавдадан олинган ўлчовлар?
2. Юбканинг тўр қисми қуриш тартиби?
3. Юбканинг олд бўлагининг чизмасини чизиш тартиби?
4. Юбканинг орқа бўлагининг чизмасини чизиш тартиби?
5. Олти бўлакли юбкани асос чизмасини конструкциялаш тартиби?
6. Қуёш юбкаларни конструкциялаш тартиби?
7. „Ярим қуёш“ юбкани конструкциялаш тартиби?
8. „Қуёш“ юбкани конструкциялаш тартиби?