Техник ижодкорлик ва дизайн фанининг назарий (лекция) машғулотлари мазмуни

 

---

~ 140 ~ 
O`yinchoq tikish uchun kerakli asboblar 

Turli katta-kichiklikdagi ignalar to`plami - o`yinchoq detallarini 
bir-biriga tikib ulash uchun, ko`z, og`iz, burun va hokazolarni 
tasvirlab tikish uchun ishlatiladi. 

Qaychilar - mo`ynali gazlamalarni bichish uchun uchi bir oz 
qayrilgan o`tkir, qolgan gazlamalarni bichish uchun uchi to`g`ri va 
katta qaychilar ishlatiladi. 

Uzun bigiz. 

Omburlar metall simlarni tekislash va kesish uchun ishlatiladi. 

Dazmol gazlama bo`laklarini tekislashda ishlatiladi. 

Yog`ochli, temirli tayoqcha — hajmli o`yinchoqlar ichini paxta 
va boshqa qoldiqlar bilan to`ldirishda ishlatiladi. 

Tikuv mashinasi o`yinchoq detallarini biriktirish uchun 
ishlatiladi. 

Rangli, oddiy qalamlar, mo`ybo`yoqlar rasm chizish uchun, 
mo`yqalamlar qog`ozda grafik ishlarni chizishda, o`yinchoq 
eskizlarini tasvirlashda ishlatiladi. 

Bo`r (tikuvchilikda ishlatiladigan oq va rangli bo`rlar) va sovun 
qoldig`idan o`yinchoq detallarini bichishda foydalaniladi. 

Tikuvchilikda ishlatiladigan to`g`nag`ich-bulavkalar. 
 
Andozalarni tayyorlash 
O`yinchoq tayyorlashda, eng avvalo, kartondan andoza 
tayyorlanadi. Bichishdan avval andozani kalka qog`oziga tushirib 
qirqib olinadi. So`ngra qalinroq qog`ozga yoki kartonga, kerakli 
o`lchamga o`tkaziladi. (Andoza o`lchamini o`zgartirish mavzusiga 
qarang). Andoza detallarini joylashtirishda bir-biriga juda yaqin 
qo`ymaslik kerak. Har bir tayyor detalga nomi va necha dona bichish 
kerakligi yozib ko`rsatiladi. Masalan, tana qismi - 2 dona, quloq - 4 
dona. Har bir o`yinchoq modeli andozasi alohida konvertlarda 
saqlanishi lozim. Andozalar qiyshayib va buklanib qolmasligi uchun 
konvert hajmi andoza hajmi bilan bir xil bo`lishi kerak, konvert ustiga 
o`yinchoq nomi yozib qo`yiladi. O`yinchoqning sifatli chiqishi 
modelning har bir detal andozasi to`g`riligiga bog`liq bo`lishini yodda 
tutish lozim.