Taym Menejment cdr

Мақсад №6. Бола дам олиши қачон ва қанча пайт 

---

© 
Зебинисо Аҳмедова
17
Бола ва тайм менеджмент
давом этиши керак?
Мақсад №7. Бола қанча вақт уй меҳнати билан 
шуғулланиши лозим?
Мақсад №8. Болага қандай ишларни юклаш керак?
Психолог қабулидан лавҳа
“Ўғлим беш ёшга тўлганида ишдан кейин бирга бозорга 
тушар эдик. Мен рўзғорга керак зарур маҳсулотлардан 
олиб уйга қайтар эдим. Оғирроқ ва кўпроқ олиш керак 
бўлган маҳсулотлар турмуш ўртоғимнинг зиммасида эди. 
Йўлда фарзандим қўлимдаги енгилроқ ҳалтани кўтармоқчи 
бўлди. Мен «Жим олдимга тушиб юргин, ҳалта ичида 
тухум бор, синдириб қўясан!», дедим. Худди шу пайт бир 
она ва ўғил биздан илгарилаб кетишди. Аммо бу ўғил ҳам 
онасига шу гапни айтганини мен ҳам ўғлим ҳам эшитди. 
Шунда бу она мендан бошқачароқ гап айтди ўғлига: «Бу 
ҳалтада оиламиз билан ейдиган тухум бор, у дастурхонга 
етиб борадими ёки йўлда қолиб кетадими, сенга боғлиқ 
бўлади» деди ва улар кулиб юборишди. Мен ва ўғлим ҳам 
кулиб юбордик ва ҳалтани болам қўлимдан олди. Шундан 
буён болага ўз вақтида ишонч бериш кераклигини, вақтни 
чўзмасдан унинг ўзига ишончи пайдо бўлишига ёрдам 
бериш лозимлигини тушундим.
«Қачон?» деб номланган мақсадлар.
«Қачон?» деб номланган мақсадлар болангизни иродали, 
тартибли, ғурурли, рост гапирадиган, ғайратли, шижоатли 
бўлишига ёрдам беради. Бу сифатларни «Қачон?» деб 
номланган мақсадлар орқали тарбиялаймиз. 

---

© 
Зебинисо Аҳмедова
1
8
Бола ва тайм менеджмент
Шу саволларга мақсад қўйиш баробарида жавоб бериб, 
вақтни ҳис қилган шижоаткор, барқарор, журъатли 
шахсни тарбиялаймиз.
«Қачон?».
Ҳар доим ўғил болага унинг эркак жинсли 
эканлигини ҳисобга олиб, қиз болага эса унинг 
нозиклигини ҳисобга олиб мақсад қўйинг.
Аввало, болангизда ўғил болалик сифатлари ва қиз болада 
иффатлилик, нозиклик сифатларини пайдо қилишни 
фарқлаб олишингиз керак. Яъни ўғил боладаги 
тартибсиздек кўринган ёзувни кўриб, қизингиздаги 
озодалик дафтарини ўрнак қилишни тўхтатинг. Қиз 
боладаги озодалик нозиклик белгиси. Сиз кўрган ўғил 
боладаги «пала-партишлик» шижоат белгиси ҳам бўлиши 
мумкин. Сиз ўғлингизга тартибли ва тушунарли ёзувни 
кўрсатиб беринг холос. Ўғил болага қиз болани ўрнак 
қилганимизда тасаввурида ўзини ўша қиз ўрнига қўя 
олмайди ёки шу қиз бола ўрнига қўйиши оқибатида қиз 
болалик сифатлари пайдо бўлиши мумкин. Нима қилиш 
керак? Фарзандингизнинг ютуқлари, ҳато ва 
камчиликларини инобатга олган ҳолда ўзининг яна ҳам 
кучли бўлишига етарли имконияти борлигига 
ишонтиринг.