Taym Menejment cdr

ҚУЁШНИ УЙҒОТГАН ОВОЗ
Хўрозвой ҳар куни тонгда қаққиллаб одамларни тонг 
отганлиги ҳақидаги «янгиликни» билдириб, овоза қилар 
экан. Бу овоз биринчи бўлиб қуёшга етиб борар экан. 
Одамлар тонг отиши билан ишга, ўқишга ва кун бўйи 
бирор юмушларни бажаришга отланишар экан. Кунлардан 
бир кун овоз соҳиби Хўрозвой шамоллаб қолибди. 
Товуқлар Хўрозвойнинг тонгда қуёшни уйғота 
олмаслигидан қўрқиб кетишибди. Қуёшни уларнинг 
Хўрози уйғотади деб ўйлашар эканда. Шунда, кичкина 
Хўрозча сакраб девор устига чиқибдида, ўзгача овоз 
билан қичқирибди. Барча товуқларнинг кўнгли жойига 
тушибди. Қуёш барибирам порлайверибди. Нимага 
ишонаётганлигингиз бу сизнинг овозингиздир. Ички 
овозингиз қуёшни уйғотар экан.
«
Бирор юмуш билан банд бўлишдек осон иш йўқ ва 
бирор юмушни натижасини чиқаришдек қийин юмуш 
йўқ!
» Ален Макензи
ЎЗИНГИЗНИ ТАРТИБГА ЧОРЛАГАНМИСИЗ?
«Вақтим қаёқларга кетиб қолди?» деб ҳайрон бўлган 
пайтларингиз бўлганми? Фарзандингизнинг битта уй 
вазифасини соатлаб ўтириб охирига ета олмаган 
пайтингизда қанчалик жиғибийрон бўлган эдингиз? 
Оилангизда, ҳаётингизда, мақсадларингизда, фарзанд 
тарбиясида ва ҳарактерингизда ҳам тартиб бўлишининг 
бир йўли - вақтингизда тартиб бўлиши керак.

---

© 
Зебинисо Аҳмедова
3
Бола ва тайм менеджмент
Сизнинг ҳаёт йўлингиз денгиздаги шамол йўналиши 
билан эмас, елканни қайси йўналишга бурганингиз билан 
ўлчанади. Ишларни тўғри бажаришни эмас, тўғри 
ишларни бажаришни. Муаммони ечишни эмас, 
муаммодан фойда кўришни. Капитал йиғишни эмас, 
капиталга йўл топишни. Қарздан қутилишни эмас, 
натижага эришишни. Фарзандингизни бошқаришни эмас, 
ўзини ўзи бошқаришни ўргатишингиз лозим. Сиз 
вақтнинг қўлига жиловингизни тутқизишни эмас, вақт 
сизнинг жиловингизда бўлишини аввало ўзингизга ва шу 
орқали фарзандингизга ўргатишингиз лозим. Ўзини ўзи 
тартиблаш жараёнида ўзингизни бошқаришни ўрганасиз. 
Бу дегани, «Ўзингиздан қанчалик тўғри фойдалана 
олдингиз?» деганидир.