Таянч концпект

Savdo siyosatining moliyaviy usullari: Demping
Tashqi savdoni notarif usullar bilan tartibga solish amaliyotini o‘rganish shuni ko‘rsatadiki, eksport subsidiyalari ko‘pincha dempingga - xorijiy bozorlarda eksportyor mamlakat ichki bozoridagi o‘rtacha narxga nisbatan past baholarda sotishga moddiy asos bo‘ladi.
Nazorat uchun savollar:
1. O‘zbekiston Respublikasi iqtisodiyotida tashqi savdoning tutgan o‘rni va ahamiyatini gapirib bering.
2. O‘zbekiston Respublikasi tashqi savdosining 2003-2004 yillardagi ko‘rsatkichlarini gapirib bering.
3. Tashqi savdo strukturasida qanday o‘zgarishlar ro‘y bermoqda?
4. Respublikamiz qaysi xalqaro tashkilotlar bilan tashqi iqtisodiy aloqalarini rivojlantirib bormoqda?
5. Tashqi savdoni erkinlashtirish deganda nimani tushunasiz?
6. O‘zbekiston Respublikasining JSTga a’zo bo‘lish istiqbollarini xarakterlab bering?
7. Keyingi yillarda tashqi savdo sohasida ro‘y berayotgan o‘zgarishlarni ko‘rsatib bering.
8. Respublikamizning eksportga yo‘naltirilgan iqtisodiy rivojlanish modelini tanlashi tashqi savdoni rivojlanishiga qanday ta’sir ko‘rsatishini tavsiflab bering?
4-mavzu. Xalqaro ishchi kuchi migratsiyasi
Reja:
4.1. Jahon xo‘jaligida inson resurslari. Bandlik va ishsizlik
4.2. Jahon ishchi kuchi bozorining mohiyati va paydo bo‘lish sabablari
4.3. Mehnat migratsiyasining asosiy yo‘nalishlari va markazlari
4.4. Xalqaro ishchi kuchi migratsiyasining milliy iqtisodiyotga ta’siri
4.5. Ishchi kuchining xalqaro migratsiyasining eksportyor-importyor mamlakatlarga iqtisodiy ta’siri
4.6. «Aqlli kishilarning ketib qolish» muammosining mohiyati
4.1. Jahon xo‘jaligida inson resurslari. Bandlik va ishsizlik
Jahon iqtisodiyotida demografiya – aholi sonining harakati va mehnat resurslari bilan shug‘ullanuvchi fan bo‘lib, u ijtimoiy, iqtisodiy, biologik va geografik omillar asosida aholi tarkibini, dinamikasini, shuningdek, joylashuvi va ko‘chishining umumiy qonuniyatlarini o‘rganadi. Shular asosida turli mamlakat va mintaqalarda aholi sonining o‘zgarishlari, istiqbol davri uchun taxminlar ishlab chiqiladi. Demografik statistikada tug‘ilish koeffitsienti (har 1000 kishiga tug‘ilganlar soni), o‘lim koeffitsienti (har 1000 kishiga o‘lganlar soni), nikoh koeffitsienti, tabiiy o‘sish koeffitsienti, ya’ni tug‘ilish va o‘lim koeffitsienti o‘rtasidagi farqlar kabi ko‘rsatkichlardan keng foydalaniladi.Xalqaro Mehnat tashkilotining ta’rifiga ko‘ra ishsizlar deb - oxirgi 4 hafta ichida ish qidirayotgan va ishga ega bo‘lmagan yoki ishga joylashib xali ishga kirishmagan kishilarga aytiladi. Bu kategoriya turli mamlakatlarda turlicha talqin etiladi. Turli mamlakatlarda ishsizlar sonini aniqlashda ikki xil yondashuv mavjud. Birinchisi - 1 haftalik tekshirishda ishsizlar statusiga javob beruvchi kishilar sonini aniqlaydi, bu usul AQSh, Yaponiyada ishlatiladi. Buyuk Britaniyada bu usul qimmat hisoblanib, ishsizlar soni davlat bandlik xizmatlariga ishsizlik nafaqasini olishga topshirilgan talabnomalar asosida hisoblanadi.