Таянч концпект

Nazorat uchun savollar:
1. Rivojlanayotgan mamlakatlar guruhiga kiruvchi davlatlarni tavsiflab bering.
2. Jahon iqtisodiyotida rivojlanayotgan mamlakatlar necha guruhga bo‘lib o‘rganiladi?
3.Rivojlanayotgan mamlakatlar iqtisodiyotiga hos bo‘lgan umumiy xususiyatlarni harakterlab bering.
4. Rivojlanayotgan davlatlar uchun xorijiy investitsiyalarni jalb etish qanday ahamiyat kasb etadi.
5. Rivojlanayotgan va sanoati rivojlangan davlatlar o‘rtasidagi farqlarni oshib borish sabablarini ochib bering.
6. Rivojlanayotgan davlatlarning xalqaro qarzdorlik muammosi haqida gapirib bering.
7. “YaID”lar qatoriga kiritishda qanday ko‘rsatkichlar e’tiborga olinadi?
8. “YaID”larning iqtisodiy rivojlanishiga qanday omillar ta’sir ko‘rsatmoqda?
9. “YaID”larda qanday rivojlanish modellar mavjud?


10-mavzu. Xalqaro iqtisodiy integratsiya
Reja:
10.1. Iqtisodiy integratsiya mohiyati va unga ta’sir etuvchi omillar
10.2. Iqtisodiy integratsiya shakllanishi shart – sharoitlari
va uning bosqichlari
10.3. Iqtisodiy integratsiyaning milliy davlatlar iqtisodiyotiga ta’siri
10.4. G‘arbiy Yevropada integratsiya jarayonlarining rivojlanishi
10.5. Amerika qit’asida integratsiya jarayonlari rivojlanishining xususiyatlari
10.6. Osiyo-Tinch okeani mintaqasida integratsion jarayonlarning xususiyatlari
10.7. O‘zbekistonning integratsion tashkilotlardagi ishtiroki


10.1. Iqtisodiy integratsiya mohiyati va unga ta’sir etuvchi omillar
Iqtisodiy integratsiya-mamlakatlar o‘zaro iqtisodiy hamkorligining natijasi bo‘lib, u xo‘jalik mexanizmlarining yaqinlashuviga olib keladi va bu yaqinlashuv davlatlararo bitimlar shaklini oladi hamda tegishli davlatlararo organlar tomonidan tartibga solinadi.Iqtisodiy integratsiya bir qator ob’ektiv omillarga asoslangan bo‘lib, ular orasida quyidagilar muhim o‘rin tutadi:
1) Xo‘jalik hayoti baynalmilallashuvining o‘sib borishi.
2) Xalqaro mehnat taqsimotining chuqurlashuvi.
3) O‘z xususiyatiga ko‘ra umumjahon ilmiy-texnika inqilobi.
4) Milliy iqtisodiyotlar ochiqligi darajasining oshishi.