Tasvirlarda yashnar olam (tadbir senariysi) 1-boshlovchi

Tasvirlarda yashnar olam (tadbir senariysi)
1-boshlovchi: Assalom ey davramizning eng aziz mehmonlari,
Assalom ey ilmu fanning sohibu davronlari.
Assalom ey baxti kulgan baxtiyorlar assalom,
Qalbi quvonch bilan to`lgan do`stu yorlar assalom
2-boshlovchi: Assalom bu yerda yig`ilganlarga,
Ey aziz do`stlari qarddonlarga.
Xalqimiz farzandin tarbiyalayotgan,
Donoyu, bilimdon muallimlarga.
1-boshlovchi: Assalomu alaykum aziz mehmonlar, hurmatli ustozlar va qadrli o`quvchilar. Mana bugun biz “Estetika” fanlar oyligi munosabati bilan “Tasvirlarda yashnar olam” deb nomlangan tadbirda yig`ilib turibmiz.
2-boshlovchi: Yuksak insoniy g`oyalarni o`zida aks ettirgan san`at asarlari kishilarni go`zallikni his etish, ularga intilib yashashga undaydi.Aksincha, g`oyaviy jihatdan saviyasi past asarlar insonlar ongini sayozlashtiradi, ularni chinakkam go`zallikdan chalg`itadi, go`zallikni sevishga bo`lgan ehtiyojlarini, intilishlarini susaytiradi, didini pasaytiradi. Shu ma`noda Respublikamiz umumiy o`rta ta`lim muassasalarida bolalarning estetik tarbiyasiga alohida e`tibor qaratib kelinayapti.
1-boshlovchi:Maktab davridanoq biz o`quvchilar tasviriy san`at asarlaridan zavqlana olish, ranglarning nomlarini va ularning farqlarini ajratish, tasviriy faoliyat jarayonida turli materiallardan foydalana bilish saboqlari bilan tanishamiz.
2-boshlovchi: Bugun biz sizlarga estetika faniga tegishli bo`lgan mehnat, tasviriy san`at va musiqa fanlariga oid ko`plab ma`lumotlar, yangiliklar in`om etib, shu bilan birga maktabimiz o`quvchilari bilan tayyorlangan turli she`rlar, qo`shiqlar va raqslarni havola etmoqchimiz.
1-boshlovchi:Tadbir yakuniga qadar “Yosh musavvirlar” to`garagi a`zolari tomonidan chizib tugatilgan go`zal suratlari hamda “Yosh arxitektor” larimizning turli xildagi chizgan chizmalari e`tiboringizga havola qilinadi. Marhamat, tinglab tomosha qiling.Navbat 5- sinf o`quvchisi ijrosida “Vatan”qo`shig`iga
2-boshlovchi: Mehrning g`unchasi qiyg`os ochilar,
Maysa kiprigiga shabnam tomchilar.
Tabiat muhabbat sozini chalar,
Zarangdor qadahda mehrim jam bo`lsin,
Bu shirin lahzalar mangu bor bo`lsin!