Tasvirlarda yashnar olam (tadbir senariysi) 1-boshlovchi

8) Fransuz olimi va Davlat arbobi Gospar Monj o`z davrigacha chizmachilikka oid bo`lgan barcha bilimlarni umumlashtirib, 1799-yilda “Chizma geometriya” kitobini bosmadan chiqardi.Shundan beri chizma geometriya Monj metodi deb ham yuritiladi.
1-boshlovchi: Go`zal tuproq uzra quyildi oqshom,
Kunduzi olar dam.
Jo`shqin mushoira etadi davom,
Do`stim, kel sen ham!
Qay dil chamani boy, jozib nafasi,
Kimning fikri o`tkir, teran, bokira?
Bu gurung- shoirlar musobaqasi-
Sharq she`riy chamani, bu mushoira.
2-boshlovchi:Marhamat, 5-sinf o`quvchilari ijrosida go`zal bir raqsni tomosha qilib,
hordiq chiqaring.
2-boshlovchi: Kasblar ko`pdir dunyoda
Bir- biridan ziyoda.
Kasb- hunarni egallar,
Ishtiyoqqa egalar.
Orsuli bo`lsa yurak,
Bajo bo`lar har istak.
1-boshlovchi: Novbatni “Mehnating-baxting” nomli sahna ko`rinishiga beramiz.
Sahna ko`rinishi:
–O`g`illarim, ho o`g`illarim.
-Labbay otajon.Assalomu-alaykum.
-Voalaykum-assalom, o`tiringlar, sizlarga muhim gapim bor.
-Xo`p bo`ladi, otajon.
-Bolalarim, nazarimda vaqti soatim bitgan ko`rinadi.Sizlarga yaxshi tarbiya berdimu, ammo sharoit tufayli o`qitib, yaxshi bir kasb egasi qila olmadim.Shundan juda afsusdaman.Ammo, qilgan xatoyimni tuzatmoqchiman.
-Qanday qilib otajon, biz hammamiz oilali odamlar bo`lsak, bizlarga endi kim hunar yoki bir kasb o`rgata oladi?
-O`rgatgan taqdirida ham qachon biz o`rganamizu, qachon ishlab pul topamiz?
-Oilamiz ungacha qanday kun ko`radi?
-Hovliqmang bolalarim, hovliqmang.Hammasini o`ylab qo`yganman.Siz va oilangiz hech qachon hech narsaga zoriqmaysizlar.
-Tezroq ayta qoling unda.
-Uyimiz orqasidagi quriy boshlagan bog`da barchangizga bir umrga etadigan tilla ko`mib qo`yganman.Ammo, aynan qayeriga ko`mganimni eslay olmayapman, qarichilikda bolalarim, qarilik.Agar uchovlon bir bol`ib, o`sha bog`dagi tillani izlab topsangiz, bir umr rohat-farog`atda yashaysiz.
-Tashvishlanmang otajon, biz hoziroq ishga tushamiz.
-Barakalla bolalarim, barakalla.
(Hammasi chiqib ketadi, uch o`g`il qo`lida ketmon bilan bog`da ishlashayapti)
-Otamiz tillani qayerga ko`mib qo`ygan ekanlar-a akalar?
-Nima farqi bor, o`sha tillani bugun bo`lmasa ertaga topib olarmiz.
-Gapga ovvora bo`lib, uzum tokini chopib qo`ymanglar tag`in.Ehtiyot bo`linglar.Bugunga etar, kech tushdi.Ishni ertaga davom ettiramiz.
(chiqib ketishadi)
-Akalar bir oyda beri butun bog`ni kovlabmizu, lekin tillani topa olmayapmiz.
-Topilib qolar.
-Qaranglar, shu bahonada bog`imiz biram ko`rkam bo`ldiki, bu chiroyni ko`rib, ishlagan saring ishlaging keladi-ya.
-Hormanglar bolalar,charchamayapsizlarmi?
-Assalomu-alaykum amaki yaxshimisiz?
-Yaxshi rahmat.Sizlarning oldingizga bir taklif bilan kelgandim.
-Xo`sh, qanday taklif ekan, amakijon?
-Mana, quriy boshlagan bog`ni ham gullab yashnatdingiz, sizga tarbiya bergan ota-onangizga rahmat.
-Rahmat amaki.
-Agar rozi bo`lsangiz, sizlar bilan shartnoma tuzsak.
-Qanday shartnoma, amaki?
-Xabaringiz bor chet el bilan hamkorlik qiladigan korxonam bor.Agar siz menga yetishtirgan hosilingizni sotsangiz, bir yillik hosilingiz ro`zg`or qilishingiz uchun ikki yilga yetadi.
-Rostanmi, amaki?
-Albatta.
-Biz rozimiz.(qo`l tashlashadi)
-Otajon, otajon.Sizga muhim yangiligimiz bor.
-Qanday yangilik ekan, bolam?
-Biz qo`shnimiz Farhod amaki bilan shartnoma tuzdik.
-Endi uchchalamiz har kuni bog`da ishlaymiz va hosildan kelgan foyda evaziga ro`zg`or tebratamiz.Ortgan pullarni yig`ib bog`ni yanada kengaytirishimiz ham mumkin.
-Barakalla o`g`illarim, barakalla.Nihoyat men aytgan tillani topibsizlar.Endi bir umr qilgan mehnatlaringiz rohatida yashaysizlar.