Tasvirlarda yashnar olam (tadbir senariysi) 1-boshlovchi

1-boshlovchi:Oq qush kabi parvoz qilar,
Dillarga xush sabo yelar.
Raqsga tushsa raqqosalar,
Xirom etsa raqqosalar.
2-boshlovchi:Novbatni go`zal bir raqsga beramiz, marhamat.
2-boshlovchi: Men dunyoni nima qildim, o`zing yorug` jahonim,
O`zim hoqon, o`zim sulton, sen taxtu-sulaymonim.
Yolg`izim, yagonam deymu, topingan koshonam deymu,
O`zing mening ulug`lardan ulug`imsan, Vatanim.
1-boshlovchi: Biz mustaqillikka, hurlikka va cheksiz imkoniyatlarga erishganimizga oz fursat bo`lganligiga qaramay, turli cho`qqilarni zabt etgan yoshlarimiz bilan barchamiz faxrlansak arziydi.Bizga mana shunday imkoniyatlarni yaratib bergan, har doim, har sohada qo`llab quvvatlagan go`zal Yurtimizning tinchligi, ozodligi barqaror bo`lsin ilohim.
2-boshlovchi:Nimasini aytasiz. Yurtimizda barcha sohalarga, jumladan sport, ta`lim, san`at, uy-joy qurilishi, qishloq xo`jaligi kabi sohalarga muhtaram Prezidentimiz juda ham katta e`tabor qaratmoqdalar.
1-boshlovchi: Bilasizmi , shunday tinch va ozod Vatanda yashayotganidan faxrlanish, g`ururlanish, biz uchun yaratilgan va yaratilayotgan cheksiz imkoniyatlardan foydalanib, elu-yurtiga xizmat qilish, xalqining, ota-onasining duosini olish o`rniga turli oqimlar girdobiga g`arq bo`lib ketayotgan yoshlarimiz ham ming afsuski, oramizda yo`q emas.
2-boshlovchi: Ha to`g`ri.Shuning uchun ham bugun biz sizlarga ibrat tariqasida “Qayt o`g`lon” nomli sahna ko`rinishini tayyorlab kelganmiz.Marhamat tomosha qiling va xulosa chiqaring.
“Qayt o`g`lon”
Boshlovchi:Yurtimizning bir chekka qishlog`ida nech narsaga muhtoj bo`lmagan baxtli bir oila yashardi.Ammo, ularning farzandlari yo`q edi.Eru-xotin madaniyatli, o`qimishli, sabrli kishilar edilar.Nihoyat, ularning iltijolarini olloh eshitdi va 15 yil deganda yakkayu-yolgiz o`g`il farzand ato etdi.Unga “mard yigit bolib o`ssin, el-yurtiga xizmat qiladigan jasur o`g`lon bo`lsin”, degan niyatda Azamat deb ism qo`yishdi.Ota-ona juda baxtiyor edilar.Ular ollohga shukronalar aytishib, yolg`iz o`g`illariga yaxshi tarbiya va bilim berib voyaga yetkazisha boshlashdi.Azamat juda aqlli va a`lochi bo`lganligi uchun uni barcha ustozlari yaxshi ko`rishardi.Hafta so`ngida olgan baholarini hisoblab chiqqan sinf rahbari “rag`bat medali”ni aksariyat hollarda Azamatga topshirardi.Kunlar shu tariqa dovom etardi.