Tasviriy san’atda tarixiy va mifologik mavzularda ishlangan portretlarni badiiy idrok etish

Mahmud Muzahhib ( 15-asr oxiri -16-asr 60-yillari, Buxoro) — naqqosh, musavvir, Kamoliddin Behzodning shogirdi. Muzahhib so`zining ma`nosi “oltin suvi yugurtiruvchi…” degan ma`noga ega, ya`ni o`zining asarlarida ko`proq oltin suv bilan ishlagan. Ijodi Hirotda boshlangan. Ilk asarlaridan hassa ushlagan Alisher Navoiy portreti.

Mustaqillik yillarida milliy madaniy meroslarimiz, g`urur va iftihorlarimiz bo`lmish biyuk bobokalonlarimiz, ularning tarixiy siymolarini yaratishga e`tibor yanada kuchaydi. Rassomlarimizdan Alisher Alikulov, Abdulhaq Abdullayevlar Mahmud Muzahib kabi “Alisher Navoiy” portretini mohirona tasvirlashdi.

«Hayotda o`z qo`shig`ini topa olgan, uni qaytarilmas ohangda ko`pchilikka manzur qilib kuylay olgan san'atkorni baxtli desa bo`ladi»,— deb ta'kidlagan edi taniqli rassom O`rol Tansiqboyev. Shu ma'noda rassom Malik Nabiyev hayoti va ijod yo`liga nazar tashlasak, u nafaqat o`z ovoziga, balki baxtiga ham erishgan ustoz san'atkor darajasiga ko`tarildi.

Malik Nabiyev 1916 yilda Toshkent shahrida tug`ilgan. Tasviriy san`atning ilk saboqlarini rassom Bahrom Hamdamiydan o`rgangan. Yoshligidan tarixiy mavzularga qiziqqan.1973yilda Beruniy bobokalonimiz tavalludining 1000 yiligiga bag`ishlangan tanlovda yaratgan tarixiy obrazi g`olib bo`ldi. Musavvirning ulkan yutuqlaridan biri buyuk shoir, adib, faylasuf va davlat arbobi Zahiriddin Bobur obrazini yaratganligidir.

Rassom tarixiy siymolarning portretini yaratar ekan, u avvalo ularni hayoti, ijodi, asarlari bilan tanishadi, ko`plab mamlakatlarga safar qiladi. 1941 yilda Amir Temur qabri ochilgani ma`lum, shu yili sohibqironning bosh suyagi asosida haykali portreti ishlangan. Mazkur jarayonni guvohi bo`lgan M.Nabiyev A.Temur tarixiy siymosi ustida izlanish olib borib, 1993 yilda buyuk sarkarda bobomiz tarixiy portretini yaratib tanlovda g`olib bo`ldi. Ko`plab nufuzli tanlovlar g`olibi, “Buyuk xizmatlari” ordeni sohibi M.Nabiyev 2017yil 100 yoshga to`ldi.