Таснифланишини

10- вариант
1. Ички аъзо гўштлари ва парранда гўштларига тавсиф беринг ҳамда
уларнинг ЎзР ТИФ ТН га кўра таснифланишини гапиринг.
2. “Сертификатлаштириш” ва “мувофиқлик” атамаларининг боғлиқ
жиҳатлари ҳақида маълумот беринг.
3. Товарлар кимёси фан ўзининг ўрганиш соҳасида қандай мақсад ва
вазифаларни қўяди?
4. Ўзбекистон Республикасида стандартларни ишлаб чиқиш қандай
асосий босқичлар орқали амалга оширилади?
5. Ўзбекистон республикасида биринчи ТИФТН қачон амалиётга
киритилган?
Жавоблар

1. 
   Тана ички аъзо гўштлари деб ички органлар ва гўштнинг айрим
   иккиламчи қисмлари тушунилади. Бундай гўштлар олинишига кўра мол,
   чўчқа ва қўй гўштларига бўлинади.
   Тана ички аъзо гўштлари истеъмол хусусиятлари ва мазаси жиҳатидан
   бир-биридан кескин фарқ қилади. Айрим турдаги ички аъзо гўштлари,
   жумладан тил ва жигар озиқавийлик қиймати жиҳатидан гўштдан
   пастроқдир, лекин витамин ва микроэлементларнинг мавжудлиги жиҳатидан
   устун келади. Бошқа ички аъзо гўштлари – ўпка, трахеяларнинг озиқавийлик
   қиймати пастроқдир. Озиқавийлик қийматига қараб ички аъзо гўштлари I ва
   II категорияларга ажратилади.
   I категориядаги ички аъзо гўштларига тил, жигар, буйраклар, мия,
   юрак, думғаза гўштлари киради;
   II категориядаги гўштларга эса молнинг калла қисми, туёклари,
   ўпкаси, ошқозон ва ичаклари киради.
   Одатда тана ички аъзо гўштларидан турли гўштли пишириқлар
   тайёрлашда фойдаланилади. Масалан, жигар колбаса ва паштетларни
   тайёрлашда асосий хомашёлардан бири ҳисобланади. Буйраклардан
   деликатес консервалар тайёрланади. Тил, юрак, ўпка, туёк гўштларидан
   дудланган колбаса маҳсулотлари ёки консервалар ишлаб чиқаришда
   фойдаланилади.
   Ички аъзо гўштлари совитилган ҳолда ҳаво ҳарорати 0ºС бўлганда
   3 сутка, 0-6ºС бўлганда 36 соат, 8ºС гача бўлганда эса 12 соат сақланади.
   Парранда гўштларидан товуқ, курка, ўрдак ва ғоз гўштлари истеъмол
   хусусиятларга эга. Бундай паррандалардан 4-6 ойлик давридаёқ сифатли
   парранда гўштини олиш мумкин. Халқ хўжалигида паррандалар қуйидагича
   таснифланади:
   Гўштдор паррандалар;
   Тухум берадиган паррандалар;
   Умумий фойдаланишдаги паррандалар.
   Таркибий жиҳатдан парранда гўшти мол ва бошқа гўштга нисбатан
   оқсил ва ёғнинг биологик қиймати жиҳатидан ажралиб туради. Парранда
   гўштида 50-70% сув, 16-22% оқсил, 16-45% ёғ ҳамда минерал моддлар ва
   витаминлар мавжуд. Парранда гўшти ва ёғи мол ёки бошқа гўшт ва ёғларга
   нисбатан инсон организмида яхши ҳазм бўлади.
   Парранда гўшти қуйидаги хусусиятларга қараб тасниф гуруҳларига
   ажратилади:
   Парранданинг тури ва ёшига қараб парранда гўшти жўжа, товуқ,
   курка, ўрдак ва ғоз гўштларига бўлинади.
   Термик ҳолатига кўра парранда гўшти совиган, совитилган ва
   музлатилган турларга бўлинади.