Tashqi iqtisodiy faoliyat. Bojxona / Bojxonaga oid qonun hujjatlari]

37) 42-grafa. “Tovarning faktura qiymati”.

Grafada 31-grafada deklaratsiyalanayotgan tovarning tashqi savdo kontrakti (shartnomasi, kelishuvi) shartlariga muvofiq haqiqatda to‘langan yoki to‘lanishi lozim bo‘lgan yoxud tovarlarni muqobil yetkazib berish bilan qoplanadigan faktura qiymati tashqi savdo kontrakti (shartnomasi, kelishuvi) valyutasida ko‘rsatiladi.

Tovarlarni beg‘araz (to‘lovsiz) yetkazib berish asosida import qilishda yoki tovarlarni tashqi savdo kontraktini (shartnomasini, kelishuvini) tuzmagan holda yetkazib berishda tovarning faktura qiymati tovarning kuzatuv hujjatlari asosida ko‘rsatiladi.

Naqd valyutani deklaratsiyalashda grafada olib o‘tilayotgan valyutaning summasi, nominal qiymatga ega qimmatli qog‘ozlarni deklaratsiyalashda esa — qimmatli qog‘ozlarning nominal qiymati ko‘rsatiladi.

Faktura qiymati matematik qoidalarga ko‘ra verguldan so‘ng ikki belgigacha aniqlikda yaxlitlanadi;

38) 43-grafa.

Grafada quyidagilar ko‘rsatiladi:

“0” — agar yukni qabul qiluvchi o‘z ehtiyoji uchun mo‘ljallanmagan mahsulotni olib kirayotgan bo‘lsa;

“1” — agar yukni qabul qiluvchi o‘z ehtiyoji uchun mo‘ljallangan mahsulotni olib kirayotgan bo‘lsa;