"tasdiqlayman" O‘quv ishlari bo`yicha prorektor

Ijodiy yondashuv asosida mashg‘ulotni tashkil etish birmuncha samarali hisoblanib talabani ijodkorlikka, faollikka undaydi, uning faoliyati ijodiy tus oladi. Pedagog o‘quv faoliyatini demokratik tarzda rag‘batlantirish asosida boshqaradi. Talaba shaxsi tadqiqotchilik mavqeini egallaydi. SHubhasiz, buning uchun pedagog og‘irlik markazini frontal (yalpi) ishlar shaklidan individual (yakka) shakllariga o‘tkazish imkoniyatlarini qidiradi. Aniqrog‘i, o‘z ilmiy maktabiga (labaratoriyasiga) ega bo‘lgan pedagog-olim talabalarni ijodiy hamkorlikka chorlaydi, o‘z fanining yuqori abstraksiya pog‘anasi (ilmiy til)da mavzularni o‘rganishga da’vat etadi. Afsuski, ijodiy yondashuv asosida barcha guruh talabalari bilan mashg‘ulot olib borishning iloji yo‘q, chunki ularni o‘zlashtirish faoliyati darajalari turlicha - nomahsul va mahsuldor faoliyatdan iborat bo‘ladi. Demak, bu yondashuv talabaning qobiliyatini, moyilligini va qiziqishini ilmiy asosda aniqlashtirishni va hisobga olishni taqazo etadi.
Texnologik yondashuv yuqoridagi yondashuvlardan farqli o‘laroq ta’lim taraqqiyotining harakatlantiruvchi kuchi sifatida bugun amaliyotga tezkor kirib kelyapti, Kadrlar tayyorlash milliy dasturining hozirgi sifat bosqichida o‘quv-tarbiyaviy jarayon modelini loyihalashtirmoqda.
O‘qitish jarayonidagi usullar, metodlar, shakllar va boshqalar mantiqiy texnologik zanjirga birikishib yaxlit texnologik jarayonni – pedagogik texnologiyani tashkil etishadi.
O‘quv jarayoniga texnologik yondashuvda quyidagilar alohida ajralib turadi: o‘quv maqsadlarini imkoni boricha aniq o‘rnatish (o‘qituvchining asosiy vazifasi); o‘quv materiali mazmunini o‘rnatilgan maqsadga mos holda ma’lum qonuniyatlarga tayangan holda saralash; o‘qitish jarayonini maqsadga erishish uchun yo‘naltirish; talabalarning o‘quv-biluv faoliyatini qo‘shimcha axboratlar (kitob, jurnal, ma’ruza matni,) dan foydalanish asosida mustaqil tashkil etish; joriy natijalarni baholash va zaruriy holda qo‘shimcha didaktik jarayonni qurish (korreksiyalash); natijalarning yakuniy bahosi.