13-mavzu: Ma`naviy tahdidlarning namoyon bo`lish xususiyatlari. Ma`naviy tahdidlarni oldini olishda oila va mahallaning o`rni.
Reja:
Ma`naviy tahdidlar tushunchasi va uning namoyon bo`lish xususiyatlari.
Prezident I.Karimovning “Yuksak ma`naviyat yengilmas kuch”asari asosida ma`naviy tahdidlarga qarshi kurash yo`llari va vositalari.
Oila va mahalla fuqarolik jamiyati mustaqil institutlaridan biri sifatida.
Mustaqillik yillarida mahalla hayoti bilan bog`liq ko`plab qadriyatlar, udum va an`analarimizning qayta tiklanishi.
Globallashuv ma’naviy tahdidning eng qulay vositasi bo‘lib xizmat qilmoqda.
CHunki globallashuvda “Mening millatim”, “Mening xalqim”, “Mening mamlakatim”, “Mening vatanim” kabi tushunchalarga o‘rin qolmaydi. SHu ma’noda S.Otamuratov, SH.Qahhorova, U.Saidovlarning Globallashuv sharoitida ”Ommaviy madaniyat” niqobi ostida aslida milliy qadriyatlar tizimini o‘zgartirish jarayoni ketayotgani haqidagi fikrga qo‘shilamiz. Bunday sharoitda inson o‘zligini yo‘qotadi. Tilini, qadriyatlarini, urf-odat va an’analarida unitadi.
Zero, chindan ham davr G‘arb individuallashuv (xudbinlashuv) madaniyati aslo ijobiy va umuminsoniy ma’naviy qadriyat emas. YA’ni, uning “Ommaviy madaniyat” poydevorini umuminsoniy ezgu qadriyatlar emas, balki “iqtisodiy, siyosiy, harbiy qadriyatga ega bo‘lgan, o‘z ta’sirini jahonga o‘tkazishga” urinayotgan ayrim salbiy kuchlarning manfaatlari tashkil etadi.
Mafkuraviy axborot xurujlari ma’naviyatga tahdid solmoqda.
Yurtboshimiz ta’kidlaganidek, “Tabiiyki, “Ommaviy madaniyat” degan niqob ostida ahloqiy buzuqlik va zo‘ravonlik, individualizm, egatsentrizm g‘oyalarini tarqatish kerak bo‘lsa, shuning xisobidan boylik orttirish, boshqa xalqlarning necha ming yillik an’ana va qadriyatlari, turmush tarzining ma’naviy negizlariga bepisandlik, ularni qo‘porishga qaratilgan xatarli tahdidlar odamni tashvishga solmay qo‘ymaydi”.
Karimov I.A. “YUksak ma’naviyat-engilmas kuch”. T. “Ma’naviyat”, 2008y 117 bet. “Ommaviy madaniyat” kosmopolitizm g‘oyasini targ‘ib qiladi, ya’ni jahon fuqarosi tushunchasini ilgari suradi.
“Ma’naviy tahdid deganda, avvalo, tili, dini, e’tiqodidan qat’iy nazar, har qaysi odamning tom ma’nodagi erkin inson bo‘lib yashashiga qarshi qaratilgan, uning aynan ruhiy dunyosini izdan chiqarish maqsadini ko‘zda tutadigan mafkuraviy, g‘oyaviy va informatsion xurujlarni nazarda tutish lozim, deb o‘ylayman”. (I.Karimov)
Ma’naviyatga qarshi qaratilgan har qanday tahdid o‘z-o‘zidan mamlakat xavfsizligini, uning milliy manfaatlarini, sog‘lom avlod kelajagini ta’minlash yo‘lidagi jiddiy xatarlardan biriga aylanishi va oxir-oqibatda jamiyatni inqirozga olib kelishi mumkin.
Do'stlaringiz bilan baham: |