«tasdiqlayman» mchj «Uz-Kor Gas Chemical» qk va uning tasarrufidagi ob

Электрдан куйишда биринчи ёрдам кўрсатиш
1. Электр манбаи узиб қўйилмаган бўлса, электр токидан жабрланган одамга ҳеч қачон яқинлашмаслик зарур. Агар ҳодиса содир бўлган жойда электр узатиш линияси симлари ётган бўлса, ўт ўчириш командаси ёки электриклар бригадаси келишини кутиш, агар усти очиқ сим автомобиль корпусида ётган бўлса, одамларга машинада ўтираверишни маслаҳат бериш керак.
2. Бирламчи кўздан кечиришда нафас олишнинг бузилиши ёки юракнинг тўсатдан тўхташи белгиларини диққат билан кузатиш зарур. Иккиламчи кўздан кечиришда жароҳатини кўздан кечиришни унутмаслик, доим иккита куйикни излаш ва куйган жойга стерилланган боғлам қўйиш керак.
3. Яшин уришидан жабрланган одамда ҳам синган жой бўлиши мумкин. Шунинг учун уни қимирлатиш керак эмас. Куйиш унчалик жиддий муаммо эмас.
Нурдан шикасланишлар. Ўткир нур касаллиги. Ўткир нур касаллиги-бу организмнинг умумий касаллиги бўлиб ҳисобланади ва нурланиш дозасининг 1 Гр (100 рад) ва ундан юқори даражадаги нурланиш дозаси таъсирида вужудга келади. Ионловчи нурларнинг таъсир даражаси уларнинг миқдорига, яъни танадан қанча нур ўтганлигига боғлиқ бўлади. Тирик тўқималарнинг нурланиш бирлиги қилиб грей (Гр) олинган, 1 Гр 100 радга тенг.
Ҳозирги вақтда ўткир нур касаллигининг клиник кўриниши ва ўтишини 4 босқичга ажратиш қабул қилинган: енгил, ўрта, оғир ва жуда оғир. 1-2 Гр нурланиш олинганда касалликнинг енгил тури содир бўлади. 2-4 Гр ўрта босқич, 4-6 Гр оғир босқич, 6 Гр дан юқори миқдордаги нурланиш олинганда жуда оғир босқич ҳоллари кузатилади. Одам 20 Гр ва ундан юқори дозада нурланиш олса қон яратувчи аъзолардан ташқари ичак эпителийси ҳам шикастланади. Ичак шикастланганда қон яратувчи аъзоларда жиддий ўзгаришлар рўй бермаслиги мумкин, аммо шикастланганлар тезда ўлиб қоладилар. Одам жуда катта дозали нурланиш олганда ўткир нур касаллигининг токсемик ва церебрал тури ривожланади, бунда нурланган одам бир неча соат, баъзан бир кундан сўнг ҳалок бўлади.
Ўткир нур касаллигининг ўзига ҳос томонларидан бири унинг даврий кечишидир. Бунда тўрт давр фарқланади: бошланғич даври ёки нурланишга нисбатан организмнинг бирламчи реакция даври; яширин даври ёки клиник жиҳатдан хотиржамлик даври; авжланган давр ёки касалликнинг барча белгилари юзага чиқадиган давр; тузалиш даври.