«tasdiqlayman» mchj «Uz-Kor Gas Chemical» qk va uning tasarrufidagi ob

«TASDIQLAYMAN» MCHJ «Uz-Kor Gas Chemical» QK va uning tasarrufidagi obyektlari binolarida yong’in xavfsizligini ta’minlashni tashkil etish bo‘limi boshlig‘i mayor O’.K.Jumatov «____»______________2022 yil.

REJA-KONSPEKT


МАВЗУ 1: Оловли ишларни бажаришда ёнғин хавфсизлиги талабларини тартибга солувчи норматив ҳужжатлар. Ёнғин хавфсизлигини таъминлаш бўйича ташкилий чора тадбирлар. Оловли ишларни бажаришда ёнғин хавфсизлигини таъминлаш бўйича мансабдор шахслар ва ишчиларнинг мажбурияти ва жавобгарлиги

Оловли ишларни ўтказишга Рухсатномани тасдиқлаган жавобгар шахс, мазкур Намунавий йўриқномага кўра чора-тадбирлар бажарилишини ташкил қилишга мажбур.

Бўлим раҳбари қуйидагиларга мажбур:

1. 
   оловли ишларни хавфсиз ўтказиш бўйича тадбирларни ишлаб чиқиш ва уларнинг бажарилишини таъминлаш;
   
2. 
   оловли ишларни бошлашдан олдин Рухсатномада кўзда тутилган ишлаб чиқилган тадбирларнинг бажарилишини текшириш;
   
3. 
   оловли ишларни ўтказиш даврида мазкур Намунавий йўриқнома талабларига риоя қилиниши устидан текширувни таъминлаш;
   
4. 
   оловли ишлар ўтказиладиган жойда ва хавфли зонада ҳаво муҳити ҳолати устидан текширишни ташкил қилиш ва намуна олиш даврийлигини ўрнатиш;
   
5. 
   портлашдан хавфли ва портлаш-ёнғиндан хавфли объектларда оловли ишларга тайёргарлик шартлари ва уларни ўтказиш қоидаларини биладиган мутахассис ишчилар ичидан оловли ишларга тайёргарлик ва уларни ўтказишга жавобгар шахс тайинлаши;
   
6. 
   оловли ишларни ўтказишга Рухсатномани зарур келишувларини таъминлаш;
   
7. 
   оловли ишларни хавфсиз ўтказиш бўйича тадбирлар бажарилишини таъминлаш.
   

Оловли ишларни ўтказишга ускуна ва коммуникацияларни тайёрлашга жавобгар шахс қуйидагиларга мажбур:
a) Рухсатномада кўрсатилган тадбирлар бажарилишини ташкил қилиш;
b) Рухсатномада кўзда тутилган тадбирларнинг тўла ва сифатли бажарилишини текшириш.
Оловли ишларни ўтказишда жавобгар шахс қуйидагиларга мажбур:

1. 
   оловли ишларни хавфсиз ўтказилиши бўйича тадбирларни бажарилишини ташкил қилиш;
   
2. 
   оловли ишларни бажарувчиларга йўл-йўриқ бериш;
   
3. 
   оловли ишларни бажарувчи (пайвандловчи, кесувчи)ларнинг гувоҳномалари борлигини, оловли ишлар ўтказиш учун асбоб-анжомлар ва воситалар созлигини текшириш;
   
4. 
   оловли ишлар ўтказиладиган жойни дастлабки ўт ўчириш, якка тартибдаги ҳимоя (газниқоблар, қутқарув белбоғлари, арқонлар ва ҳ.к.) воситалари билан таъминлаш;
   
5. 
   оловли ишлар ўтказиладиган жойда ва хавфли зонада ҳаво муҳитини ўз вақтида таҳлил қилишни таъминлаш;
   
6. 
   оловли ишлар ўтказиладиган жойда туриш, бажарувчилар ишларини назорат қилиш;
   
7. 
   оловли ишлар ўтказилаётган жойда ҳаво муҳити ҳолатини билиш ва зарур ҳолларда оловли ишларни тўхтатиш;
   
8. 
   оловли ишларни бажаришда танаффусдан сўнг оловли ишлар ўтказиладиган жой ва ускуналар ҳолатини текшириш ва иш зонасида ҳаво муҳитининг таҳлили фақат қониқарли бўлгандагина ишларни олиб боришга рухсат бериш;
   
9. 
   оловли ишлар тамом бўлгандан сўнг олов пайдо бўлиш эҳтимолли манбалари йўқлигини текшириш.
   

Смена бошлиғи (смена раҳбари) қуйидагиларга мажбур:

1. 
   объектда оловли ишлар ўтказилиши ҳақида смена ходимларини хабардор қилиш;
   
2. 
   ишлар ўтказилиши вақтига ўрнатилган параметрларга мос равишда технологик жараён олиб борилишини таъминлаш;
   
3. 
   тезкор журналда ҳар қайси босқични қайд қилиб, оловли ишлар бажарилиш тартиби устидан назорат қилиб бориш;
   
4. 
   оловли ишлар тамом бўлганда, оловли ишларни ўтказишга жавобгар шахс билан биргаликда, ёнғин чиқиши эҳтимолининг олдини олиш мақсадида, оловли ишлар ўтказилган жойда текширув ўтказиш ва ёнғин чиқиши эҳтимоли бўлган жойда 3 соат мобайнида кузатувни таъминлаш.
   

Оловли ишларни бажарувчи қуйидагиларга мажбур:

1. 
   малака гувоҳномаси ўзида бўлиши;
   
2. 
   оловли ишларни хавфсиз ўтказиш бўйича йўлланма олиш ва рухсатномага имзо қўйиш, пудратчи (бошқа) ташкилот ижрочилари эса, ушбу цехда оловли ишлар ўтказишда хавфсизлик техникаси бўйича қўшимча йўлланма олиши;
   
3. 
   оловли ишлар ўтказиладиган жойда объект ишлари билан танишиб чиқиш;
   
4. 
   оловли ишларга, фақат оловли ишлар ўтказилишига жавобгар шахс кўрсатмаси бўйича ишга киришиш;
   
5. 
   фақат Рухсатномада кўрсатилган ишни бажариш;
   
6. 
   Рухсатномада назарда тутилган хавфсизлик чораларига риоя қилиш;
   
7. 
   ёнғин ўчириш воситаларидан фойдаланишни билиш ва ёнғин пайдо бўлган ҳолларда зудлик билан ёнғин қисмини чақиришга чоралар кўриш ва ёнғинни бартараф қилишга киришиш;
   
8. 
   оловли ишлар тамом бўлгандан сўнг шу ишлар ўтказилган жойни синчковлик билан кўздан кечириш ва ёнғин, жароҳатланиш, авариялар пайдо бўлишига олиб келиши мумкин бўлган ва аниқланган бузилишларни бартараф қилиш;
   
9. 
   хавфли вазият пайдо бўлганда оловли ишларни тўхтатиш.
   

Оловли ишларни ўтказишга Рухсатномани тасдиқлаган шахс, цех бошлиғи (ишлаб чиқариш бошлиғи ўринбосари) смена бошлиғи, оловли ишларга тайёргарлик ва уларни ўтказишга жавобгар шахс, оловли ишлар ижрочилари, улар зиммасига юклатилган вазифаларни бажаришига шахсан жавоб берадилар. Мазкур Намунавий йўриқноманинг бузилишига айбдор шахслар Ўзбекистон Республикасининг амалдаги қонунчилигига мувофиқ жавобгарликка тортиладилар.

“Tuzdi”