«tasdiqlayman» mchj «Uz-Kor Gas Chemical» qk va uning tasarrufidagi ob

Қандай ҳолатларда ис газидан заҳарланиш хавфи юқори бўлади?
1.Шамоллатиш тизими яхши ишламайдиган органик моддаларни ишлаб чиқарадиган корхоналарда;
2.Автоуловлар тураргоҳларида;
3.Янги бўялган ва шамоллатилмаган хоналарда;
4. Уй шароитларида табиий газ чиқиб турганда;
5. Печка билан истиладиган уйлар, ҳаммомлар, дам олиш палаткаларида ёнувчи модданинг тўлиқ ёнмаслиги натижасида заҳарланиб қолиш мумкин.
Бундан ташқари, ҳозирги савдо дўконларида сотилаётган, газда ишлайдиган ҳар хил турдаги газ ускуналари, мисол учун, Эрон давлатида ишлаб чиқилган «камин» газ ускунаси чиройли, ихчам кўринишли, иситиш мавсумида ишлатиб, кейин бошқа жойга олиб қўйса бўладиган қулайликларга эгадир. Бироқ ушбу газ ускунаси бошқа давлатда ишлаб чиқилгани сабаб, уни ўрнатиш ва фойдаланишга доир техник паспорт ўзбек ё рус тилларига таржима қилинмаган. Бунинг оқибатида ундан фойдаланишдаги хавфсизлик қоидалари билан танишиш имкони бўлмайди. Ўзбошимчалик билан, мутахассиснинг кўрсатмасисиз қурилиш меъёрлари ва қоидалари талабларини бузган ҳолатда ўрнатилмоқда. Натижада эса инсонлар ис газидан заҳарланиб вафот этмоқда.
Газдан заҳарланганда биринчи ёрдам қандай кўрсатилади?
Барча ҳолатдаги оғир заҳарланишларда зудлик билан тез тиббий ёрдам чақириш зарур. Шифокор етиб келгунга қадар қуйидагиларни амалга ошириш лозим:
1. Биринчи ёрдам, аввалам бор, жабрланувчини ўчоқдан зудлик билан олиб чиқишдан бошланади.
2. Нафас олишига халақит берувчи барча нарсаларни йиғиштириш (тугмаларни ечиб, ёқани очиш, камарни бўшатиш ва бошқалар);
3. Жабрланувчининг ухлаб қолмаслигини назорат қилиш. Жабрланувчини юргизиш тақиқланади;
4. Жабрланувчи нафас олмаётган бўлса, унга тоза ҳавода ёки ҳавоси яхши айланадиган хонада сунъий нафас олдиришни бошлаш лозим;
5. Ҳушидан кетган бўлса, нашатир спиртини ҳидлатиш;
6. Ҳушига келган вақтида йиқилиб, жароҳатланмаслиги учун чоралар кўриш;
7. Жабрланувчининг ҳолати яхши бўлса, иссиқ чой ёки қаҳва ичириш.
Ҳозирги вақтда саноат, қишлоқ хўжалиги, уй шароитида фосфороорганик бирикмалар билан заҳарланиш кўп тарқалган. Бу модда асаб тизимига таьсир қилади, яьни ҳолсизлик, бош оғриши, бош айланиши, тоқатсизлик, нафас олишнинг бузилиши (бу ҳолат нафас мускулларининг бўшашиши билан боғлиқ), қоринда оғриқ ва ич кетиши кузатилади.