«tasdiqlayman» mchj «Uz-Kor Gas Chemical» qk va uning tasarrufidagi ob

Метанол билан заҳарланиш. Метанол – кучли заҳарли модда ҳисобланади. Метанол ишқор, бўёқ, ойнани тозалашда ишлатиладиган суюқлиқ, лаклар таркибида бўлади, шунингдек ичишга яроқсиз спирт тайёрлашда ундан фойдаланилади.
Метанолдан заҳарланишга олиб келадиган сабаблар.
Одатда, метанолдан билмасдан заҳарланилади. Метанолдан заҳарланишнинг ортиб бориши алкоголизмга дучор бўлганлар кўпинча очиқ сотиладиган нархи баландроқ спиртли ичимликларни сотиб олишга қодир бўлмай, маиший эҳтиёжларга мўлжалланган турли суюқликларни истеъмол қилишлари билан изоҳланди.
Метанол билан заҳарланиш белгилари ва аломатлари. кўнгил айниши; қайт қилиш; қоринда оғриқ туриши; бош оғриши; бош айланиши; мия чалғиши; гипервентиляция; кўз олди қоронғилашиши; жабрланувчининг кўзига чақнаш кўринса, бу унинг кучли даражада заҳарланганини билдиради.
Метанол билан заҳарланишда биринчи ёрдам кўрсатиш.
-Оғиз орқали заҳарланишдаги каби кўрсатмаларга амал қилиш;
-Қутқарувчи жабрланувчига зарарсизлантирувчи восита сифатида этанолни асло бермаслик;
-Метанол билан заҳарланганда жабрланувчини касалхонада даволаш керак.
Ис газидан заҳарланиш. Ис гази автомашиналардан чиқадиган газлар таркибида ва уйлар печка билан иситилганда ҳосил бўлади. Ис гази (углерод оксиди) - рангсиз, таъмсиз, ҳидсиз заҳарли газ. Кимёвий формуласи - CO. У ер юзида энергиянинг жадал ишлатилишидан юзага келувчи, табиатда энг кўп тарқалган заҳарловчи газлардан биридир. Қазиб олинадиган ёқилғиларнинг тўлиқ ёнмаслиги ис газининг бош манбаи ҳисобланади. У асосан кўмир, табиий газ ва бошқа ёқилғиларнинг тўлиқ ёнмаслиги сабаб юзага келади. Нафас олинувчи ҳаво таркибида 0,1 фоиз ис газининг бўлиши ўлим ҳолатига олиб келиши мумкин! Ис гази организмга тушганда у қон таркибидаги гемоглабин ва кислород ташувчи эритроцитларни ўзаро боғлаб, кислороднинг тана бўйлаб ҳаракатланишини чеклайди. Натижада инсон ҳушини йўқотади.
Ис газидан заҳарланишнинг умумий белгилари.
1.Бош мия тизимида: уйқуга тортиш, бош айланиши, бош оғриғи, ҳушини йўқотиш;
2.Кўриш тизимида: кўз олдининг қоронғулашиши;
3.Эшитиш тизимида: эшитиш қобилиятининг пасайиши;
4.Тери қисмида: терлаш кучайиши;
5.Нафас олиш тизимида: нафас олишнинг оғирлашиши, йўтал;
6.Юрак қисмида: Пульс ва артериал босимнинг ортиши;
7.Мушаклар тизимида: Тремор (қалтираш).