«tasdiqlayman» mchj «Uz-Kor Gas Chemical» qk va uning tasarrufidagi ob

Жароҳатланганда биринчи ёрдам:
Қон кетишини тўхтатиш, яъни қон тўхтатувчи жгут, босиб турувчи боғлам қўйиш.
Жароҳатга асептик боғлам қўйиш.
Суяклар синган бўлса, травматик шина қўйиш ёки қўл остидаги воситалар билан иммобилизация қилиш.
Қон томирлари деворларининг шикастланиши, бирор касаллик оқибатида емирилиши ёки ўтказувчанлигининг ошиб кетиши сабабли, турли бўшлиқларга (қорин, кўкрак бўшлиғи ва бошқа) ёки ташқи муҳитга чиқишига - қон кетиш дейилади.
Қон кетишининг келиб чиқишида қараб икки турга бўлинади. Улардан бири шикастланиш (травматик) тури бўлиб, у ташқи кучнинг таъсирида томир деворларнинг бутунлиги бузилганда (жарроҳлик усули қўлланилганда ҳам) вужудга келади.
Қон кетишнинг иккинчи тури шикастланишга эмас, балки унинг сабаблари томир деворларининг зарарланишига (патологик ўзгариш) боғлиқ бўлади.
Қон кетишнинг механизмига қараб қуйидаги турларига бўлинади:
Ёрилиш таъсирида қон кетиши томир девори ёрилганда қон кетиши, эрозия натижасида қон кетиши. Қоннинг қон томирларидан ташқарига чиқишига, унинг оз ва кўплигига, тўқималарга тарқалишига қараб, 3 гуруҳга бўлиш мумкин: қон кетиши, қон қуйилиши ва гематома. Қон оқиши ёки кетиши деб, қон томири деворларидан ташқарига қон чиқишига ёки бирор тўқимага, тана аъзосига, унинг ичига тўпланишига айтилади. Қон қуйилиши деганда тўқималарга қон шаклли элементларнинг сингиши, йиғилиши тушинилади.
Шикастланган қон томирнинг белгиларига қараб:
Артериал қон кетиши – артериялардан қон оққанда қон пульсацияловчи оқим билан чиқади ва қирмизи қизил рангда бўлади.
Веноз қон кетиши – вена қон томиридан қон оққанда қон секинлик билан оқади ва тўқ қизил рангга эга бўлади.
Капиллярлардан қон кетиши – асосан юза жойлашган жароҳатларда чукур бўлмаган терини кесишда ва бошқа ҳолларда жароҳатдан секин томчилаб оқади.
Паренхиматоз қон кетиши – ички аъзолар жароҳатланганда (жигар, талок, буйрак, упка ва бошқа аъзолар) рўй берган қон оқишлар паренхиматоз қон оқиши деб айтилади.
Жароҳатларни олдини олиш чора-тадбирлари:
Меҳнат муҳофазаси йўриқномасини тўғри ташкил қилиш;
Ишчиларни шахсий хафвсизлигини яхшилаш;
Йўл ҳаракати қоидаларига риоя қилиш.

“Tuzdi”