Tasdiqlangan fan dasturiga muvofiq ishlab chiqildi

Tanishuv bosqichini tashkil qilish. «Kutishlar» bosqichi.
Treningni 
boshlashdan avval guruh a’zolarining bir-biriga murojaat etish usulini aniqlab olish 
lozim bo‘ladi. Bunda trener 4 xil variantni taklif etadi: «Sen», «Siz», «Ism», 

---

236 
«Familiya». Odatda, o‘zbek mentalitetida ismini aytib murojaat etilishi kishilar 
orasida o‘zaro yaqinlik hissini vujudga keltirishi sir emas. Garchi, ba’zi idoralarda 
ism-sharifi bilan murojaat etish rasman tan olingan bo‘lsada, ism bilangina murojaat 
etish treningda ko‘pchilik tomonidan tasdiqlansa, har qanday katta mansabda 
ishlaydigan ishtirokchini ham ismi bilan chaqirish talab etiladi.
Treningdagi «Tanishuv» bosqichini turli xil usulda tashkil etish mumkin
, 
Har bir ishtirokchi o‘zini bu erda qanday nom bilan atashlarini istasa, shunday atashi 
mumkin. Shu o‘rinda ular muloqot jarayonida o‘ziga yordam beradigan va halaqit 
beradigan sifatlarini ham aytishi lozim. Yoki ular quyidagi savollarga javob tarzida 
ham o‘zlarini tanishtirishlari mumkin: «Yaqinlaringiz sizni nima uchun 
qadrlashadi?», «Aynan qaysi jihatingiz o‘zingizga ko‘proq yoqadi?», 
«Boshqalardagi qanday hislatlarni qadrlaysiz?» va h.k. Tanishuv bosqichida har bir 
ishtirokchi o‘zidan oldingi ishtirokchining aytganlarini takrorlashi lozim. 
Bu bosqichni ishtirokchilar shunchaki bir-birlarining ismini bilishi bilan 
bog‘liq bo‘lgan rasmiyatchilik deb qabul qilmaslik kerak. Ishtirokchilarning tanishuv 
bosqichi - ularning o‘tkazilayotgan mashg‘ulotta va ayni paytdagi muhitga 
moslashish jarayoni bo‘lib, ulardagi hayajon va noqulaylik holatlarini bartaraf 
etishning eng yaxshi yo‘lidir. 
103-rasm 
Mashg‘ulot avvalida trener o‘zini auditoriyaga 
tanishtirib, qaysi tashkilot, muassasadan ekanligini 
aytadi. Boshlovchi haqida ishtirokchilarda paydo 
bo‘lgan ilk tasavvur keyingi ishlar natijasiga, trener va 
guruh a’zolari o‘rtasidagi munosabatlar xarakteriga va 
albatta, mashg‘ulotning yakuniga, samaradorligiga o‘z 
ta’sirini o‘tkazadi. 
Tanishuvda ishtirokchilar doira yoki boshqa shakllarda o‘tirishlari mumkin. 
Tanishuv bosqichi quyidagi maqsadlarni amalga oshiradi:

 
ishtirokchilar bir-birlarining ismini bilish bilan birga, har bir ishtirokchi 
o‘zidagi hislatlar haqida o‘ylab ko‘rish va buni ovoz chiqarib aytish imkoniga ega 
bo‘ladi; 

 
«qor uyumi» o‘yini orqali tashkil etilgan tanishuvda esa qo‘shnisining 
aytganini takrorlash eshitishning, ayniqsa o‘zidan oldingi kishini eshitish qiyinligini 
his qilish imkonini beradi; 

 
ko‘pchilik ishtirokchilar o‘zidan oldingi ishtirokchi nima deganligini 
eshitmaydi, chunki u eshitishdan ko‘ra o‘zi nima deyishi kerakligi haqida o‘ylaydi; 

 
muhokamada trener tomonidan ishtirokchi «Diqqat markazida» 
bo‘lganida o‘zini qanday his qilgani so‘raladi. 
Tanishuv bosqichini turli usullarda tashkil qilish mumkin. Umuman trening 
jarayonida ko‘proq quyidagi uch xil usuldagi tanishuv bosqichlari farqlanadi.