Tasdiqlandi” O‘quv ishlari bo‘yicha prorektor D. Q. Durdiyev

ФАН ДАСТУРИ

Билим соҳаси:	100 000 300 000	––	Гуманитар соҳа Ишлаб чиқариш - техник соҳа
Таълим соҳаси:	110 000 330 000	––	Педагогика Компьютер технологиялари ва информатика
Таълим йўналишлари:	5330500	–	Компьютер инжиниринги («Компьютер инжиниринги», «АТ-сервиси», «Ахборот хавфсизлиги», «Мультимедиа технологиялари»)
	5330600	–	Дастурий инжиниринг
	5111000	–	Касб таълими (5330200- Информатика ва ахборот технологиялари)
Таълим соҳаси:	330 000	–	Алоқа ахборотлаштириш ва телекоммуникация технологиялари
Таълим йўналишлари:	5350400	–	Ахборот-коммуникация технологиялари соҳасида касб таълими
	5350600	–	Ахборотлаштириш ва кутубхонашунослик

Тошкент – 2017
Ўзбекистон Республикаси Олий ва ўрта махсус таълим вазирлигининг 2017 йил “24” августдаги “603”- сонли буйруғининг 2- иловаси билан фан дастури рўйхати тасдиқланган.
Фан дастури Олий ва ўрта махсус, касб-ҳунар таълими йўналишлари бўйича Ўқув – услубий бирлашмалар фаолиятини Мувофиқлаштирувчи Кенгашининг 2017 йил “18” августдаги 4 - сонли баённомаси билан маъқулланган.

Фан дастури Мухаммад Ал-Хоразмий номидаги Тошкент ахборот технологиялари университетида ишлаб чиқилди.

Тузувчилар:
Мирюсупов З.З.	-	Мухаммад Ал-Хоразмий номидаги ТАТУ, «Компьютер тизимлари» кафедраси доценти, т.ф.н.
Тақризчилар:
Турсунбаев Ф.К.	-	Мухаммад Ал-Хоразмий номидаги ТАТУ, «Ахборот технологиялари» кафедраси профессори, т.ф.д.
Хушвактов С.Х.	-	Ўзбекистон “ГИДРОИНГЕО” ДК, “ Гис технологиялари” лаборатория мудири, т.ф.н.

Фан дастури Мухаммад Ал-Хоразмий номидаги Тошкент ахборот технологиялари университети Кенгашида кўриб чиқилган ва тавсия қилинган (2017 йил “28” июнь даги “5” - сонли баённома).
I.Ўқув фанининг долзарблиги ва олий касбий
таълимдаги ўрни
Ушбу фан ахборот ва коммуникация технологиялари асоси ҳисобланган компьютерларнинг архитектуралари ва уларнинг қандай ташкил қилинганлиги, компьютерлар процессорларнинг тузилишлари ва қандай ишлашлари, хотира қурилмаларининг хиллари, компьютерга маълумотларни киритиш-чиқариш воситалари, ҳамда компьютерни ташкил этувчи қурилмаларнинг ўзаро биргаликда қандай ишлашларига оид мавзулар бўйича талабаларга етказилиши шарт бўлган билимлар ва кўникмаларни ўз ичига олган.
«Компьютер архитектураси» фани ихтисослик фанлари блокига киритилган курс бўлиб, уни 2-курсда ўқитилиши мақсадга мувофиқ ҳисобланади. «Компьютер архитектураси» фани компьютер инжиниринги, дастурий инжиниринг, ахборот коммуникация технологиялари соҳасида касб таълими, ҳамда ахборотлаштириш ва кутубхонашунослик каби бакалавриат йўналишларида ўқитилади. Мазкур фан компьютер инжиниринги соҳасининг асоси ҳисобланиб, ушбу ва унга ёндош йўналишлар фанларини ўрганишда яхши замин бўлиб ҳизмат қила олади.

2. 
   Ўқув фаннинг мақсади ва вазифаси
   

Фанни ўқитишдан мақсад – компьютер архитектураси ва уни ташкил қилиш, ҳамда лойихалаш асосларини, компьютерларда қўлланилаётган асосий рақамли мантиқий схемалар, турли хил сатҳларда буйруқларнинг қандай бажарилиши ва компьютер унумдорлигини ошириш йўлларини ўрганишдир.
Фаннинг вазифаси – замонавий компьютер таркибига кирган қурилмаларнинг қандай тузилганлиги ва уларнинг қандай ишлаши, компьютерда маълумотларни ишлаш жараёнлари қандай амалга оширилиши ҳақидаги билим ва кўникмаларни ҳосил қилишдан иборатдир.
Фан бўйича талабаларнинг билим, кўникма ва малакаларига қуйидаги талаблар қўйилади. Талаба:

• 
  компьютер архитектураси ва уни ташкил қилиш ҳамда лойиҳалаш услуллари, компьютерлар процессорларининг тузилишлари ва уларнинг қандай ишлашлари, ҳамда муҳим жиҳатлари ҳақида тасаввурга эга бўлиши;
  

• 
  компьютерлар ва маълумотларга ишлов беришнинг бошқа хил қурилмаларининг қандай ишлатилишини билиши ва улардан фойдалана олиши;
  
• 
  компьютерлар ва маълумотларга ишлов беришнинг бошқа хил қурилмаларининг турли хил конфигурацияларини ҳосил қила олиш ва созлаш кўникмаларига эга бўлиши керак.