«тасдиқлайман»

Илмий раҳбар: фалс.ф.д., М.М. Қаҳҳорова
Тақризчилар: фалс.ф.д., проф, Х.Ф.Ҳайдаров, фалс.ф.д., доц., Н.Б.Абдуллаева.
Ҳозир сўз тадқиқотчи ҳақида маълумот бериш учун илмий семинар котиби – фалсафа.ф.б (PhD) Т. Хожиевга.
Илмий семинар котиби – Т. Хожиев: Юлдашев Серобжон Ўрмоналиевич 1985 йил 16 февралда Фарғона вилояти Данғара туманида ишчи оиласида туғилган.
2003-2007 йилларда Фарғона давлат университетининг Миллий истиқлол ғояси, ҳуқуқ ва маънавият асослари йўналишида бакалавр, 2009-2011 йилларда Мирзо Улуғбек номидаги Ўзбекистон Миллий университети Фалсафа (ҳозирги Ижтимоий фанлар) факультетини “Маънавият асослари” мутахассислиги бўйича магистратурани тамомлаган.
2011-2017 йилларда Фарғона давлат университети “Миллий ғоя, маънавият асослари ва ҳуқуқ таълими” кафедраси ўқитувчиси ва 2018 йилдан ҳозирга қадар Фарғона давлат университетининг “Фуқаролик жамияти” кафедраси ўқитувчиси бўлиб фаолият кўрсатмоқда. Ҳозирда мазкур университетнинг мустақил тадқиқотчиси ҳисобланади.
Юлдашев Серобжон Ўрмоналиевич фалсафа фанлари доктори Қаҳҳорова Матлюба Манофовна раҳбарлигида 2019 йилдан буён «Жамиятни илмий бошқаришда ижтимоий-маданий технологияларнинг ўрни» мавзусида илмий изланишлар олиб бормоқда. Ушбу мавзу ОАК Ахборотномасининг 2019 йилдаги 3-сонида B2019.3.PhD/Fal95 рақами билан эълон қилинган. Шу билан бирга фалсафа фанлари бўйича фалсафа доктори (РhD) илмий даражасини олиш учун қўйилган малакавий имтиҳонларни топширган (Чет тили (24.11.2018.); Онг, маданият ва амалиёт шакллари фалсафаси (20.09.2019); Фан фалсафаси, Техника фалсафаси (17.05.2019); Замонавий фалсафанинг онтологик муаммолари (18.05.2019).
Диссертация мавзуси бўйича жами 21 та илмий иш чоп этилган, жумладан, Олий аттестация комиссиясининг докторлик диссертациялари асосий илмий натижаларини чоп этиш учун тавсия этилган илмий нашрларда 10 та мақола (7 та республика, 3 та хорижий журналларда) ва 1 та Монография чоп этилган. Юлдашев Серобжон оилали, уч нафар фарзанди бор.
С.Юлдашевнинг шахсий ҳужжатларида фалсафа доктори (PhD) илмий даражасини олишга оид ҳимоя қилиш учун барча ҳужжатлар мавжуд.