Тасдиқлайман” Саноат хавфсизлиги давлат қўмитаси Олмалиқ кти бошлиғи Ш. Т. Жураев “ “ 2021 й

Лицензия қайси шахсларга берилади ва қанча муддатга? (Вазирлар маҳкамасининг 2018 йил 2-октябрдаги 782-сон қарори 1-илова, 1-боб 6-банд).

Лицензия фақат юридик шахсларга унинг амал қилиш муддати чекланмаган ҳолда берилади.

79. 
    Лицензияловчи орган лицензия талабгорининг ҳужжатларини улар қабул қилинган кунда кўриш учун қаерга юборади? (Вазирлар маҳкамасининг 2018 йил 2-октябрдаги 782-сон қарори 1-илова, 4-боб 16-банд).
    

Лицензияловчи орган лицензия талабгорининг ҳужжатларини улар қабул қилинган кунда кўриб чиқиш учун идоралараро эксперт гуруҳига юборади.
Идоралараро эксперт гуруҳи лицензия талабгорининг ҳужжатларни ўн кундан ортиқ бўлмаган муддатда кўриб чиқади ва лицензияловчи органга эксперт хулосасини тақдим этади.
Лицензияловчи орган ва идоралараро эксперт гуруҳи лицензия талабгорининг лицензия талаблари ва шартларига мувофиқлигини аниқлаш учун юқорида кўрсатиб ўтилган муддат доирасида:
лицензия талабгорида лицензияланадиган фаолият турини амалга ошириш учун мавжуд шарт-шароитларни жойига бориб ўрганиш;
тегишли хулосалар тайёрлаш учун экспертларни шартнома асосида жалб этиш ҳуқуқига эга.
Лицензияловчи орган эксперт хулосаси олингандан кейин беш кундан ортиқ бўлмаган муддатда уни кўриб чиқади ва қабул қилинган қарор протоколини тасдиқлайди. Лицензияловчи орган қабул қилган қарор протоколи лицензияловчи орган раҳбари (унинг ўринбосари) томонидан имзоланади.

80. 
    Лицензия бланкалар қандай ҳужжат ҳисобланади ва нималарга эга бўлади? (Вазирлар маҳкамасининг 2018 йил 2-октябрдаги 782-сон қарори 1-илова, 1-боб 19-банд).
    

Лицензия бланкалари қатъий ҳисобда турадиган ҳужжатлар ҳисобланади, ҳисобга олиш сериясига, тартиб рақамига ва ҳимояланганлик даражасига эга бўлади. Лицензия бланкалари намуналари лицензияловчи орган томонидан ишлаб чиқилади, лицензияловчи орган томонидан тасдиқланади ва лицензияловчи орган буюртмаси бўйича «Давлат белгиси» давлат-ишлаб чиқариш бирлашмасида босмахона усулида тайёрланади. Лицензияловчи орган раҳбари лицензиялар бланкаларининг ҳисобга олиниши, сақланиши ва улардан мақсадли фойдаланилиши учун шахсан жавоб беради.
Лицензиялар масъул шахс томонидан расмийлаштирилади ва лицензияловчи орган раҳбари (унинг ўринбосари) томонидан имзоланади.

81. 
    Ўзбекистон Республикаси худудида ПМ ларни ишлаб чиқариш, сотиш, ташиш, сақлаш ва улардан фойдаланиш учун рухсатномалар қайси низомга асосан берилади? (Вазирлар маҳкамасининг 2017 йил 6-июндаги 360-сон қарори).
    

Ўзбекистон Республикаси худудида ПМ ларни ишлаб чиқариш, сотиш, ташиш, сақлаш ва улардан фойдаланиш учун рухсатномалар қайси Вазирлар маҳкамасининг 2017 йил 6-июндаги 360-сон қарори 2-иловасига асосан берилади.

82. 
    ПМ ларнинг айланма ҳаракатларини амалга ошириш (ПМ лар билан ишлаш) учун юридик шахсларга рухсат бериш характеридаги қандай ҳужжатлар берилади? (Вазирлар маҳкамасининг 2017 йил 6-июндаги 360-сон қарори 1-иловаси 3-банди).
    

ПМ ларнинг айланма ҳаракатларини амалга ошириш (ПМ лар билан ишлаш) учун юридик шахсларга қуйидаги рухсат бериш характеридаги ҳужжатлар берилади:
Портлатиш ишларини олиб бориш (ПМ лар билан ишлаш) учун рухсатнома 2-иловада мувофиқ шаклда;
Портлатиш ишларини олиб борадиган корхоналарда жойлашган пунктларда энг оддий гранулят ва таркибида сув сақловчи ПМ ларни ишлаб чиқариш учун рухсатнома, 3-иловада мувофиқ шаклда.
ПМ ларни сотиб олиш учун гувохнома, 4-иловага мувофиқ;
ПМ ларни сақлаш жойларини ишлатиш учун гувохнома, 5-иловага мувофиқ;
Олиб келинган ПМ лардан фойдаланиш учун рухсатнома, 6-иловага мувофиқ.
ПМ ларни олиб кириш, сотиб олиш ва сақлашга, шунингдек уларни автомобиль ва темир йўл транспортларида ташиш учун рухсатномалар, 7,8 ва 9-иловаларга мувофиқ.

83. 
    ПМ ларнинг айланиши билан боғлиқ ишларни бажаришга рухсат бериш талаблари ва шартлари нималардан иборат? (Вазирлар маҳкамасининг 2017 йил 6-июндаги 360-сон қарори 2-иловаси 2-боб 6-банди).
    

ПМ ларнинг айланиши билан боғлиқ ишларни бажаришга рухсат бериш талаблари ва шартлари қуйидагилардан иборат:

• 
  Саноат хавфсизлигига, ПМ ларни ишлаб чиқариш, улардан фойдаланиш, сақлаш ва ташиш, шунингдек портлатиш ишларини олиб бориш соҳаларида техник жиҳатдан тартибга солиш соҳасидаги норматив-ҳуқуқий ҳужжатлар ва меъёрий ҳужжатларнинг мажбурий талабларига риоя қилиш;
  
• 
  Портлатиш ишларини олиб бориш учун лойиҳаларнинг ва лойиҳа ҳужжатларининг мавжудлиги;
  
• 
  ПМ лар ишлаб чиқариладиган ва сақланадиган объектларни мухофаза қилишни таъминлаш, уларни ташиш пайтида, экспорт қилишда хавфсизлик ва ПМ ларнинг рухсатсиз киришини олдини олишга қаратилган бошқа чораларни кўриш;
  
• 
  ПМ ларнинг ҳисоботини юритиш;
  
• 
  Юридик шахс моддий техника базасига (бинолар, ҳудудлар, жиҳозлар, транспорт, назорат қилиш ва ўлчаш воситалари, ҳисоблаш ускуналари) эга бўлиб, унга эгалик қилиш ёки бошқа мулкий ҳуқуқларга эгалик қилади. ПМ ларнинг айланиши билан боғлиқ ишларни бажариш учун белгиланган талабларга жавоб беради;
  
• 
  Қоидалар ва қоидалар талабларига мувофиқ ПМ лар билан ишлашга қабул қилинган тегишли малакага эга техник ходимларнинг мавжудлиги;
  
• 
  ПМ ларнинг айланиши билан бевосита боғлиқ ишларни амалга оширадиган ишчиларни мунтазам равишда тиббий кўрикдан ўтқазиш, шу жумладан психиатрия ва наркологик диспансерларда;
  
• 
  ПМ лар муомаласи соҳасида рухсат берувчи характердаги ҳужжатларда белгиланган ҳаракатларни амалга ошириш ва (ёки) маълум бир фаолият турини амалга ошириш;
  
• 
  Юридик шахсларнинг номи ёки жойлашган жойи (почта манзили) ўзгарганда қайта рўйхатдан ўтгандан кейин етти иш куни ичида ваколатли органларга хабар бериш.
  

84.