Тасдиқлайман: Олмалиқ кмк аж цемент заводи бош муҳандиси Г. Г. Тегай

ТАСДИҚЛАЙМАН:
Олмалиқ КМК АЖ цемент
заводи бош муҳандиси
____________ Г.Г. Тегай
«____»_________ 2016 й.


Вопросы и ответы по аттестации руководителей среднего звена
Раҳбарлар, мутахассислар ва муҳандис-техник ходимларни аттестациядан ўтказиш учун савол ва жавоблар


Савол 1: Муҳандис-техник ходимлар кандай қоидалар асосида раҳбарлик қилади, санаб ўтинг?
(Лавозим йўриқномаси)
Жавоб 1: “Олмалиқ КМК” АЖ ички меҳнат тартиб қоидалари;

• 
  маъдан ва концентратларни бўлаклаш, фойдали қазилмаларни майдалаш, саралаш ва бойитишда хавфсизлик қоидалари;
  
• 
  фойдали қазилма конларини очиқ усулда қазиб олишда хавфсизлик қоидалари;
  
• 
  ер ости бойликларини ҳимоя қилишнинг ягона қоидалари;
  
• 
  портлатиш ишларида хавфсизликнинг ягона қоидалари;
  
• 
  истеъмолчиларнинг электр қурилмаларни техник ишлатишдаги хавфсизлик қоидалари ва истеъмолчиларнинг электр қурилмаларни ишлатишда хавфсизлик техникаси қоидалари;
  
• 
  санитар меъерлар ва қоидалар (СанМваҚ);
  
• 
  ёнғин хавфсизлиги қоидалари;
  

- юк кўтариш кранлари ва механизмларини ўрнатиш ва хавфсиз ишлатиш қоидалари.
(Лавозим йўриқномаси)
Савол 2: Қандай электр қурилмалар ҳаракатдаги электр қурилмалар ҳисобланади? (Истеъмолчиларнинг электр қурилмаларни техник ишлатиш қоидаларининг 1§ 3-банди)
Жавоб 2: Тўлиқ ёки қисман кучланиш остида бўлган ёки уларга ҳар лаҳзада коммутацион аппаратлар қўшилиши ёки электромагнит индукция ҳисобига кучланиш берилиши мумкин бўлса, бундай қурилмалар ёки уларнинг қисмлари ҳаракатдаги электр қурилмалар ҳисобланади. (Истеъмолчиларнинг электр қурилмаларни техник ишлатиш қоидаларининг 1§3-банди)
Савол 3: Иш майдонларига чиқиладиган нарвонлар ўрнатишга қандай талаблар қўйилади? (Маъдан ва концентратларни бўлаклаш, фойдали қазилмаларни бойитиш, саралаш ва майдалашдаги хавфсизлик қоидаларининг 28-банди)
Жавоб 3: Иш майдонлари ва механизмларига чиқиладиган нарвонлар қуйидаги қиялик бурчаги
остида ўрнатилиши лозим:
а) доимий фойдаланиладиган – 45º кўп бўлмаслиги;
б) смена давомида1-2 марта фойдаланиладиган –60º дан кўп бўлмаслиги;
в) чуқурлик (зумпф) ва қудуқларда – 90ºгача.
Нарвонлар кенглиги 0,6 метрдан кам бўлмаслиги, пиллапоялари баландлиги 0,3 метрдан кўп бўлмаслиги, пиллапоялар кенглиги 0,25 метрдан кам бўлмаслиги керак.
Чуқурлик (зумпф) ва қудуқларда ҳалқалар (скобалар) қўлланилишига рухсат этилади.