«тасдиқлайман» Бухоро давлат университети илмий ишлар ва инновациялар

Семинар раиси: тақризчининг фикр ва хулосаларига жавоб бериш учун сўзни тадқиқотчига берамиз.
З.Ю.Адиловга: Ҳурматли устозимиз проф.Ж.Я.Яхшилиқовга қимматли вақтларини аямасдан диссертацияни ўқиб чиққанликлари учун ўз миннатдорчилигимни бидираман. Тақризчи томонидан билдирилган тавсиялар, таклифларни инобатга оламан ва кейинги тадқоқот ишларида уларга эътибор қаратаман.
Илмий семинар раиси проф. Н.О.Сафарова − энди сўз навбатини ички тақризчи Фалсафа фанлари доктори профессор Р.Т.Шодиевга берсак, марҳамат!
Тақризчи ф.ф.д.,проф. Р.Т.Шодиев:. Мен Зафар Адиловнинг 09.00.04 - Ижтимоий фалсафа ихтисослиги бўйича “Диний манбаларда экологик муаммолар ечими” мавзусидаги фалсафа фанлари бўйича фалсафа доктори (PhD) илмий даражасини олиш учун тайёрлаган диссертациясини тўлиқ, қунт билан ўқиб чиқиб, қуйидаги хулосаларга келдим.
Диссертант Адилов Зафар Юнусович « Диний манбаларда экологик муаммолар ечими » мавзусидаги диссертацияда ана шундай долзарб мавзуни ёритиб берган.
Ҳозирги даврда инсониятни ташвишлантираётган энг долзарб муаммо бу табиатни асраш, экологик хавф-хатарларни олдини олиш ва кишиларда экологик онг ва маданиятни шакллантириш ҳисобланади. Зероким табиат ва жамият ўртасидаги ўзаро муносабат илм-фаннинг барча соҳаларини долзарб муамосига айланган.
Ушбу диссертацияда экологик муаммоларнинг диний адабиётлардаги талқини ва уларнинг ечими ҳақида фикр ва мулоҳазалар юритилади. Ишда турли диний манбаларда табиатни асраш, унга нисбатан эҳтиёткорлик билан муносабатда бўлиш каби қарашлар ўз аксини топган.
Илмий ишда жуда кўп қизиқарли маълумотлар ва фактлар келтирилган бўлиб, уларнинг фалсафий таҳлилига ҳам эътибор қаратилган.
Бу эса диссертациянинг илмий қийматини оширади ва унинг мустақиллигидан дарак беради.
Диссертацияда бажарилган ижобий ишлар билан бир қаторда ҳали мавжуд бўлган камчиликлар ҳам бор:

1. 
   Диссертация ҳажмини бироз қисқартириш керак.
   
2. 
   Илмий ишнинг структураси ва илмий аппаратини қайта кўриб чиқиш лозим.
   
3. 
   Диссертацияни яхшилаб таҳрир қилиш керак ва имловий хатоларини бартараф этиш керак.
   

Умуман олганда, кўрсатилган камчиликларни бартараф қилиш мумкин ва ушбу дисерртацияни ҳимояга тавсия қилса бўлади.