«тасдиклайман» "Ўзбекистон почтаси" аж жиззах филиали директори Г. Кулдошев

«ТАСДИҚЛАЙМАН»
«Ўзбекистон почтаси»ОАЖ
Жиззах филиали директори
___________ И.Шералиев
«____» _______ 2011 йил
«Ўзбекистон почтаси» ОАЖ Жиззах филиали туман, шаҳар почта алоқа тармоғи алмашув бўлими навбатчисининг лавозим йўриқномаси


Ишнинг тавсифи:

Почта алмашувини оператив амалга оширишга раҳбарлик қилади ва шахсан иштирок этади. Почта йўналиши жадвали асосида белгиланган назорат муддатида почта жўнатмаларини қабул қилади ва ўз вақтида ҳамда сифатли жўнатишни таъминлайди. Кузатув ҳужжатларига имзо чекади, умумий почта жўнатмаларини тилхат билан ҳужжатлаштиради, имзолайди. Почта алмашувини амалга оширадиган транспорт воситасининг келиши тўғрисида маълумот олиб туради. Иш бошланиши арафасида жўнатилмаган почта жўнатмаларини, мухр ва бошқа эксплуатация материалларини қабул қилади ва иш тугашида топширади. Почтанинг сақланишини таъминлайди, уни қабул қилиш ва жўнатиш, ишлаб чиқариш ҳужжатларини расмийлаштириш, иш вақтида ходимларнинг ўз вазифаларини «Почта қоидалари» асосида вақтида ҳамда тўлиқ бажаришларини назорат қилади. Ходимлар билан меҳнатни муҳофаза қилиш ҳамда техника хавфсизлигига риоя қилиш бўйича суҳбат ўтказади, ички меҳнат тартиби қоидаларига амал қилинишини назорат қилади. Ишлаб чиқариш ҳужжатларини юритади.

Навбатчи билиши шарт:
Навбатчи ўз иши билан бевосита боғлиқ бўлган буйруқлар, Низомлар, саралаш ва алмашув билан боғлиқ фармойиш ва меъёрий ҳужжатлар, почта жўнатмаларини қабул қилиш ва жўнатиш бўйича қоидаларни ишлаб чиқариш жараёнини ташкил қилиш, почтани саралаш тартибини билиши лозим. Бундан ташқари «Почта қоидалари», хизмат тарифлари, почтани етказиш жадвалини, иш вақти тартибини, ҳужжатлаштириш ва расмийлаштириш ишлари бўйича малакага эга бўлиши, ишни ташкил қилиш малакасига эга бўлиши, ички меҳнат тартиби қоидаларини, меҳнат муҳофазаси бўйича белгиланган тартибларни, техника хавфсизлиги қоидаларини, "Ўзбекистон почтаси" ОАЖ ва бошқа раҳбарият телефон рақамларини билиши шарт. Почта жўнатмалари орасида шубҳали хат ёки бандерол учраса, зудлик билан Жиззах филиали раҳбариятига маълум қилади.