«тасдиклайман» "Ўзбекистон почтаси" аж жиззах филиали директори Г. Кулдошев

«ТАСДИКЛАЙМАН»
"Ўзбекистон почтаси" АЖ
Жиззах филиали директори
__________ Г.Кулдошев
______2015 йил
Директорнинг умумий масалалар бўйича ўринбосари
ЛАВОЗИМ ЙУРИҚНОМАСИ

"Ўзбекистон почтаси" ОАЖ Жиззах филиали директорининг умумий масалалар бўйича ўринбосари ўз хизмат вазифасини Ўзбекистон Республикаси Президентининг фармонлари, Республика ҳукуматининг соҳага тегишли қарорлари, Республика қонунлари, Ўзбекистон алоқа ва ахборотлаштириш агентлиги, «Ўзбекистон почтаси» ОАЖ йўриқномалари, буйруқлари ва фармойишлари, почта алоқа хизмати Низоми, почта қоидалари, махаллий бошқарув органлари қарорлари ва бошқа ҳуқуқий-меъёрий ҳужжатлари, "Ўзбекистон почтаси" ОАЖ Жиззах филиал директорининг буйруқлари, ўз иш режаси асосида амалга оширади.

Умумий масалалар бўйича директор ўринбосарининг асосий хизмат вазифалари:
Филиални ёқилғи мойлаш махсулотлари билан таъминлаш ва улардан самарали фойдаланиш юзасидан назоратни амалга оширади.
Хизмат автомашиналаридан фойдаланишни тўғри ташкил қилиш, акциядорлик жамияти ва унинг тармоқларига қарашли барча автомашиналарнинг созлигини таъминлайди.
Ёнғинга қарши мухофаза воситалари билан тармоқлар, алоқа бўлимлари ва тегишли биноларни таъминлайди, назорат қилади.
Фавқулодда вазиятларнинг олдини олиш ва бартараф этиш бўйича чора-тадбирларни белгилайди, амалга оширилишини назорат қилади.
Хавфсизлик техникаси ва йўл харакати қоидалари бўйича ишларни ташкил этади.
Электр энергиясининг ишлатилиши, электр соҳаси билан боғлиқ назорат ишларини олиб боради, чора-тадбирлар белгилайди.
«Алоқа уйи» биносига хизмат кўрсатувчи участка фаолиятини назорат қилади, жумладан, электр энергиясидан фойдаланиш, биноларни таъмирлаш, бино олди гулзорида боғбонлар ишини ташкил қилиш, бино ичида ва унинг ташқарисида ишловчи техник ходимлар ишини ташкил қилиш, шанбаликларни, бино коммуникацияларининг нормал ишлашини ташкил қилиш, ижарада турган ташкилотлар билан шартномалар тузишда қатнашади.
Акциядорлик жамияти маъмурий биносини хар байрамларда безаш, шиорларни янгилаш ва уларни доимий эстетик чиройли сақланишини назорат қилади.
Иш кабинетларининг мебель ва бошқа жихозларини янгилаш, таъмирлаш ишларини ташкил қилиш, марказий омборда корхона фаолиятида керакли барча хўжалик товарларининг мавжудлигини таъминлайди.
Жиззах филиали, унинг почта алоқаси тармоғи балансига тегишли биноларни кадастр хизматидан ўтказади, бунга тегишли ҳужжатларнинг сақланиши учун жавоб беради.
Шу билан биргаликда раҳбарият томонидан берилган бошқа барча топшириқларни бажаради.
Эслатма: Директорнинг умумий ишлар бўйича ўринбосари филиал директорининг буйруғига асосан директор ёки ўринбосарлардан бири вақтинча ишда бўлмаган вақтда унинг вазифасини бажаради.

• 
  Лавозим йўриқномасига почта хизмати соҳасида бўладиган ўзгаришлар муносабати билан қўшимчалар киритилиши мумкин.