«тасдиылайман»

Ёдда тутинг:
Йиллик режалаштириш деганда, биз тадбирлар бажарилиши лозим бўлган вақти ва унинг жавобгар шахслари кўрсатилиб, маълум бир ўкув муддатига мўлжалланган ташкилий шакл ва услублар, мазмун ва вазифаларни йиғиндисини тушунамиз.

Амалиётда, ҳарбий-ватанпарварлик ишларини бошқа ишларда бўлгани каби чорак, ярим чорак, йиллик режалаштириш одат тусига кирган. Ҳарбий-ватанпарварлик ишларини ўзига хослиги шундан иборатки, кўп холларда баъзи бир тадбирларни амалга ошириш учун, фақат билим юртини эмас, балки, бир қатор бошқа ташкилотларни ҳам харакатлари керак бўлиб колади. Шунинг учун ҳам, билим юртида ҳарбий-ватанпарварлик тарбиясини йиллик режаси тузилиб, унда олдиндан хар бир ташкилот ва муассасаларнинг ўринлари белгилаб қўйилган бўлиши керак.

У қуйидаги тадбирларни ўз ичига олиши мумкин:
-ўқув жараёнида ҳарбий-ватанпарварлик тарбиясини фаоллаштириш;
-оммавий ҳарбий-ватанпарварлик тарбияси (жасорат дарслари, кечалар, ҳарбий мавзудаги кинофестиваллар, ҳарбий китоблар хафталиги, учрашувлар, ҳарбий техникалар билан таништириш, ҳарбий қўшиқлар кўриги ва бошқалар);
-ўқувчиларни жанговар ва мехнат шухрати жойларига уюштириладиган саёхатларида қатнашиш;
-жанговар шухрат хонаси, музейлардаги тадбирлар;
-ўқувчиларнинг ҳарбий-техник тайёргарлигини такомиллаштириш (тўгараклар, клублар, ҳарбий-спорт турларидан мусобақалар, ҳарбий- спорт байрамлари ташкил этиш);
-ҳарбий-жисмоний тайёргарлик (мусобақалар, ўйинлар, узоққа югуришлар, «Алпомиш» ва «Барчиной» тест синовлари);
-ҳарбий-ватанпарварлик тарбияси бўйича фаол ўқувчилар билан ишлаш
(ўқиш хақида сухбатлар, йиғилишлар, тажриба алмаштириш ҳарбий конференциялар);
-ҳарбий-ватанпарварлик тарбияси бўйича ота-оналар билан ишлаш (ота-оналар конференцияларини ўтказиш, тўгарак ва секцияларни бошқаришга ота-оналарни жалб қилиш, Ватанни онгли равишда химоя қилишга ўқувчиларни тайёрлаш борасидаги оилавий тарбия тажрибаларини ўрганиш).