«тасдиылайман»

МУДОФАА ВАЗИРЛИГИНИНГ АХБОРОТ КОММУНИКАЦИЯ ТЕХНОЛОГИЯЛАРИ ВА АЛОҚА ҲАРБИЙ ИНСТИТУТИ.
Мудофаа вазирлигининг махсус факультети 1993 йил феврал ойида -Ўзбекистон Республикаси Президенти фармонига мувофиқ ташкил этилди.
Бу махсус факультет -Ўзбекистон Қуролли Кучлари учун алоқачи-офицер мутахассисларни тайёрлаб берувчи олий ҳарбий билим юртидир.
Ушбу махсус факультет энг замонавий алоқа техника ва жихозлари, компьютерлар ва бошқалар билан таъминланган. Бу ерда йирик алоқа мутахассислари, тажрибали офицерлар ёш курсантларга сабоқ бермоқдалар.
Бугунги кунда ушбу факультетни битирган алоқачи-офицерларни Қуролли Кучларимизнинг барча турлари ва бўлинмаларида учратиш мумкин. Улар ўз билим ва малакаларини Қуролли Кучларимиздаги алоқа тизимини ривожлантириш ва такомиллаштириш, шунингдек қўшинларни бошқаришдек мухим вазифаларни бажаришда намоён қилиб, сидқидилдан хизмат қилмоқдалар. Ўқув юртида қуйидаги мутахассисликлар тайёрланади:
- алоқа қўшинлари тактик қўмондонлиги мухандислиги;
- махсус алоқа ва давлат сирларини мухофаза қилиш тактик қўмондонлик-мухандислиги;
- ахборот тизимлари ва технологиялари тактик қўмондонлиги мухандислиги;
- радио электрон разведка ва кураш тактик қўмондонлиги мухандислиги;
- хаво хужумидан мудофаа қўшинлари тактик қўмондонлиги мухандислиги;
- хаво хужумидан мудофаа зенит-ракета қўшинлари тактик қўмондонлиги мухандислиги.


ЎЗБЕКИСТОН РЕСПУБЛИКАСИ МИЛЛИЙ ГВАРДИЯСИ ҲАРБИЙ-ТЕХНИКА ИНСТИТУТИ
Ўзбекистон Республикаси Миллий Гвардияси ҳарбий-техника институти 2018 йил ташкил этилган. Ҳозирги вақтда бу ўқув юртида қуйидаги йўналишлар бўйича мутахассисликлар тайёрланмоқда:

1. 
   Махсус вазифаларни бажариш қўшинларининг тактик қўмодонлиги;
   
2. 
   Миллий хавфсизликни хуқуқий таъминлаш;
   
3. 
   Хизмат фаолиятини психологик таъминлаш;
   
4. 
   Аниқловчи ва қўриқловчи электрон тузилмаларни ташкил этиш ва фойдаланиш бўйича қўмондонлик мухандислиги;
   
5. 
   Ишлаб чиқаришни ташкиллаш ва бошқариш қўмондонлик мухандислиги.