«тасдиылайман»

Таянч иборалар:
Ҳарбий касбларга йўналтириш, ватан химояси, мудофаа ишлари бўлими, амалий маслахатлар, жанговар техникалар, мустаҳкам анъаналар, Қуролли Кучлар Академияси, авиация билим юрти, махсус факультет, давлат имтихонлари.


Назорат учун саволлар:

1. 
   Ҳарбий хизмат -давлат аҳамиятига эга бўлган хизмат тури эканлигини тушунтириб беринг.
   
2. 
   Ўқув юртларида ҳарбий касбларга йўналтириш ишларида ташвиқот ишлари қандай олиб борилиши керак?
   

3. Ҳарбий касбларга йўналтириш ишларида қандай омилларга эьтибор бериш керак?
4. Ўзбекистон Республикаси Мудофаа Вазирлигининг олий ҳарбий билим юртларини санаб беринг.
5. Чирчиқ олий танк мухандислик қўмондонлик ҳарбий билим юрти хақида сўзлаб беринг.
6. Қуролли Кучлар Академияси қачон ташкил этилган?
7. Жиззах олий ҳарбий авиация билим юрти қачон ташкил этилган?
8. Ҳарбий билим юртларига киришнинг ёш чегараси қандай белгиланган?
9. Ҳарбий билим юртларига қабул қоидалари хақида сўзлаб беринг.
10.Ҳарбий касбларга йўналтириш ишларида ЧҚБТ рахбарининг роли.
Мавзу№15 Ҳарбий-спорт ўйинларини ташкиллаш ва ўтказиш услубиёти.
Режа:

1. 
   Ўкув юртларида ЧҚБТ фанини якунланишига бағишлаб ўтказиладиган ҳарбий- спорт байрамларининг мақсад ва вазифалари.
   
2. 
   Ҳарбий- спорт байрамларига тайёргарлик босқичлари.
   
3. 
   Ҳарбий- спорт байрамларини ўтказиш тартиби.
   

4. Ҳарбий- спорт байрамларини ташкиллашда ЧҚБТ раҳбарининг вазифалари


15.1. Ўкув юртларида ЧҚБТ фанини якунланишига бағишлаб ўтказиладиган ҳарбий- спорт байрамларининг мақсад ва вазифалари.

Чақириққа қадар бошланғич тайёргарлик курсининг якунланишига бағишлаб ўтказиладиган ҳарбий-спорт байрами, билим юртининг, ёшларни -Ўзбекистон Қуролли Кучларидаги ҳарбий хизмат учун тайёрлаш бўйича якуний тадбири бўлиб хисобланади. Билим юртида бундай тадбирни ташкиллаш ва ўтказиш, ЧҚБТ рахбари томонидан катта хажмдаги ишларни бажарилишини тақозо этади. Хар бир ЧҚБТ рахбари ҳарбий-спорт байрамини режалаштириш ва унга тайёргарлик кўришдан аввал, бу байрамнинг мақсад ва вазифаларини аниқ тасаввур қилиши зарур. Бунинг учун, хар бир синф ҳарбий ва жисмоний тайёргарликдан ўтилган мавзуларни ўзлаштирганлиги, ўқувчилар томонидан фуқаролар химояси нормативларини топширилишини, ўқ отар қуроллар билан муомала қилишни, ўқувчиларни жисмоний чидамлилигини, уларнинг рухий холатлари ва бошқа сифатларини яхши билиш керак. Юқоридагилардан келиб чиққан холда, ҳарбий-спорт байрамининг мақсад ва вазифалари қуйидагича бўлиши мумкин:

тантанали вазиятда ўқувчиларнинг жисмоний тайёргарликлари натижаларини умумий якунини ўтказиш;
спортнинг оммавий ҳарбий-амалий турларида қатнашувчи ўқувчилар тайёрлигининг кўриги;
ўқувчиларда ҳарбий касбларга бўлган қизиқишни уйғотиш, уларнинг Ватан химоясига доимо шайлик рухида, ватанпарварлик туйғусида тарбиялаш;
ўқувчилар билан саф машқларни, уларни шахдам қадамлар билан юришини машқ қилиш;
спортнинг оммавийлигини ошириш;
ҳарбий-спорт байрамининг вазифаларидан келиб чиққан холда, ЧҚБТ рахбари байрам мусобақаларининг режасини ишлаб чиқади.