«тасдиылайман»

3-чи бўлим: Ҳарбий- спорт байрамини ўтказиш тартиби.
Режанинг бу бўлими бевосита байрамнинг қандай тартибда ўтказилишига бағишланади. Бўлимга қуйидагилар киритилиши мумкин:
билим юртининг умумий сафланиш вақти ва тартиби, ўқувчиларнинг келиши ва сафланишига масъул шахс;
байрамга бағишланган митингнинг бошланиш ва якунланиш вақти, унинг очилиш ва ёпилиш тартиби, байрамни очилиши шарафига бағишлаб, -Ўзбекистон мадхиясини ижро этган холда давлат байроғини кўтариш. Тантанали марш ва қўшиқлар билан ўтиш;
режалаштирилган мусобақаларни ўтказилиш тартиби ва уларнинг бошланишини эьлон қилиш;
радио ёки овоз кучайтиргичлар орқали барча турлар бўйича мусобақаларнинг боришини эьлон қилиб туриш;
«Ватанпарвар» деворий газетаси ва жанговар варақалар чиқариш, уларда фаол иштирокчилар, ғолиблар хақида маълумотлар бериш;
байрам жараёнини, мусобақалар ва ғолибларни суратга тушириш;
ғолиб синфлар ва ўқувчилар сурати туширилган фотогазеталар чиқариш;
мусобақаларнинг якунланиши, билим юртининг сафланиши;
мусобақа якунини ўтказиш, ғолибларнинг саф тортиши;
-Ўзбекистон мадҳиясини ижро этган холда, байроқнинг ғолиблар томонидан туширилиши, байрамни ёпилиши;
Юқорида кўрсатиб ўтилганлардан ташқари маҳаллий шароит ва билим юртининг имкониятларига қараб, ғолибларга мукофотлар билан бирган гуллар, сувенирлар тақдим этиш мумкин.
Билим юрти ўқувчилари томонидан тайёрланган эсталик совғаларни, гулларни, шунингдек, байрамга таклиф этилганларга ҳам бериш мақсадга мувофиқдир.
Кўриб чиқилган режа халқ таьлими бўлими билан келишилади. Билим юрти директори томонидан тасдиқланади ва бажариш учун барча масъул шахсларга етказилади.
Ҳарбий-спорт байрамига тайёрланишни ташкил этиш.
Ҳарбий-спорт байрамига тайёргарлик ва уни ўтказиш режасини тузгандан кейин, ЧҚБТ рахбари, уни байрамдан 1,5- 2 ой аввал билим юрти директорига тақдим этади, у билан бирга режадаги хар бир тадбирни аниқлайди, масъул шахслар тайинланади ва байрамни ўтказиш учун зарур бўлган моддий базанинг имкониятларини аниқлаб, ечилиши зарур бўлган муаммоларни белгилаб олади.