«тасдиылайман»

15.2. Ҳарбий- спорт байрамларига тайёргарлик босқичлари.


Ҳарбий- спорт байрами режаси қуйидаги бўлимларга бўлинади:
1-чи бўлим: Байрамга тайёргарлик.
Билим юрти директори ва ўқув бўлими бошлиғи билан байрамнинг мақсади ва вазифаларини аниқлаш;
тадбирнинг моддий жихатдан таъминлашга тайёргарлик;
мусобақаларда қатнашувчи командаларни тайёрлаш;
спорт ва спортнинг ҳарбий-амалий турлари бўйича мусобақалар ўтказиладиган жойларни тайёрлаш;
Қуролларни отишга тайёрлаш ва хавфсизлик чораларини кўриб чиқиш (бу ишларга ЧҚБТ рахбари катта эьтибор билан ёндашиши керак.)
Синфларни колонна бўлиб юришга, мусиқа остида колонналарда шахдам қадамлар билан харакат қилишга, синфлар бўйича қўшиқлар билан юриб ўтишга, фахрий ёрлиқ ва мукофотларни олиш учун сафдан чиқишларни машқ қилдириш;
махсус танлаб олинган ўқувчилар билан тантанали байрам байроғини кўтаришни машқ қилиш;
мусобақаларда қатнашувчи командаларнинг командирларига, мусобақаларни ўтказилиш тартиби ва жойлари тўғрисида кўрсатмалар бериш;
чақириққа қадар бошланғич тайёргарликни аъло бахолар билан тугаллаган, шунингдек, байрам мусобақаларида ғолиб чиққан ўқувчиларни тақдирлаш учун фахрий ёрлиқлар, қимматбахо совғалар ва бошқа мукофотларни тайёрлаш;
байрамни ўтказилиш куни, вақти ва тартиби хақидаги эьлонлар, синфларнинг деворий газеталарини чиқариш, байрамга бағишлаб фотокўриклар, плакат ва шиорлар ва шу каби кўргазмали ташвиқот воситаларини тайёрлаш;
байрамни ўтказиш маъмурияти учун трибуна (минбарлар) тайёрлаш ва уларни безаш, радио воситалари ва мусобақа ўтказиладиган жойларни тайёрлаш;
ўқувчиларнинг ота-оналарини байрамни ўтказилиш куни, вақти ва жойи хақида хабардор қилиш;
байрамга таклиф этилганлар учун жойлар тайёрлаш;
билим юртининг илмий кенгаши орқали уруш ва мехнат фахрийларини, «Ватанпарвар» ташкилоти ва мудофаа ишлари бўлимлари вакилларини таклиф этиш;
юқорида айтиб ўтилган таклиф қилинганлар таркибидан сўзга чиқувчиларни тайёрлаш;
байрам тантаналарини суратга олишни таклиф этиш;
байрамда тартиб сақловчи, шунингдек, ўқ отишда хавфсизлик чораларини назорат қилиб турувчи посбонларни тайёрлаш;
махаллий хокимият органлари ва ёшлар ташкилотларини байрамни ўтказилиш куни ва вақтидан хабардор этиш;
ўқувчилар билан спорт турлари бўйича ўтказиладиган мусобақа шартларини ўрганиш;
Байрамга тайёргарлик бўйича барча масалалар, муаммолар директорга олиб чиқилади ва режадаги хар бир тадбир учун жавобгар шахслар тайинланади.
Режани бажарилиши билим юрти ўқув бўлимининг бошлиғи томонидан ва, албатта, биринчи навбатда ЧҚБТ рахбари томонидан назорат қилиб турилиши керак. Режадаги хар бир тадбирни бажарилиши, ЧҚБТ рахбаридан, бу ишларга унинг маъсулият билан жиддий тарзда ёндашишини талаб қилади. Бунинг учун у қатътиятли, талабчан, шунингдек, уддабурон бўлиши керак. Байрам тантаналарида бериладиган мукофотлар хомий ташкилотлар ёки билим юрти фондидан ажратилган маблағларга сотиб олинади. Баъзи бир мукофотларни, эсдалик тақинчоқларини билим юртининг ўзида тайёрлаш мумкин.