Taror oltin koni

---

Taror oltin koni
Taror oltin koni - Zarafshon daryosining chap sohilida, Zarafshon togʻ tizmalaridagi Moʻgʻiyon
togʻlarida joylashgan (Tojikiston, Panjakent tumani). 1967 y. ochilgan. Taror oltin konik. yuqrri
karbon yoshidagi kvarsli dioritlar shtoki yorib chiqqan silur davriga mansub turli darajada
metasomatik oʻzgargan choʻkindi togʻ jinslari — ohaktosh, qumtosh va slanetslar bagʻrida
joylashgan. Genezisi boʻyicha gidrotermalmetasomatik rudalar, asosan, skarnlar, kvarsitlar va
ularga turdosh boʻlgan jinslar bilan bogʻliq. Ruda tanalari Taror sinigʻi zonasida joylashgan
minerallashgan jinslardan (skarnlar, kvarsitlar, kremniylar va h.k.) iborat boʻlib, ularning
umumiy tarqalish uz. 500–600 m, qalinligi 30 m gacha, chuqurligi esa 450–500 m va undan
ortiq. Konda ruda oksidlanishi chuqur, tugʻma elementlar (oltin, kumush, mis, vismut, surma),
sulfatuzli minerallar (tetraedrit, aykinit, jemsonit, Bi, Ag, Sb larning sulfatuzlari) keng
tarqalgan. Asosiy sulfidli minerallararsenopirit, pirit, xalkopirit, antimonit hamda noruda
minerallar— kvars, dolomit, kaltsit, ankerit va boshqalardan iborat. Oltin koni rudalari
kompleks (koʻp elementli) boʻlib, uning tarkibida oʻzgaruvchi miqdordagi (21 — 128 g/t)
oltindan tashkari kumush, kadmiy, indiy, vismut va boshqa foydali elementlar mavjud. Konda
bir necha xil ruda turlari ajratilib (sulfidli, gematitli, kvarskaltsitli va h.k.), ulardan sanoat
ahamiyatiga moligi — sulfidli (xira rudali va arsenopiritli) rudalar hisoblanadi. Taror oltini
tugʻma, kumushli oltinlardan hisoblanadi.
Bu maqolada 
boshqa til boʻlimlariga ishorat
 yoʻq. 
Siz ularni topib va ushbu maqolaga qoʻshib, loyihaga yordam berishingiz mumkin.
Ko‘proq o‘rganish
Ushbu maqolada 
Oʻzbekiston milliy ensiklopediyasi
 (2000-2005)
maʼlumotlaridan foydalanilgan.

---

Soʻnggi tahrir 6 yillar avval Ximik1991Bot tomonidan amalga oshirildi
Matndan CC BY-SA 3.0 litsenziyasi boʻyicha
foydalanish mumkin (agar aksi koʻrsatilmagan
boʻlsa).
Ushbu maqola 
chaladir
. Siz uni 
boyitib, (https://uz.wikipedia.org/w/index.php?title=Taror_ol
tin_koni&action=edit)
 
Vikipediyaga
 yordam berishingiz mumkin. 
Bu andozani 
aniqrogʻiga
almashtirish kerak.
"
https://uz.wikipedia.org/w/inde
x.php?
title=Taror_oltin_koni&oldid=181
8254
" dan olindi